Sunday, February 4, 2024

I TLIN LOHNAAH TE HAHDAM TAKA AWM ZIR RAWH

I Nundan Thlir Let La

- Rick Warren
- Feb 4, 2024

"Nimahsela, thiltihtheihna chungnung chu keimahni aṭanga chhuak ni lova, Pathian aṭanga chhuak a nihzia tilang turin chu ro chu hlum bêlah te hian kan vawng a ni." (II Korinth 4:7) 

Mihring tih theih piahlam tih a mi chungchuang nih i tum tlat chuan i hnual fovang. Mahni inthlir dan dik zawk i mamawh: Mi zawng zawng harsatna i chinfelsak thei lo. Vawikhatah hmun khat aia tamah i awm thei lo. I duh zawng zawng i ti vek thei lova. I neih loh pawisa i hmang thei hek lo.

I chak lohnaah te hahdam i zir a ngai. I theihna piah lam tih tum a i nun tlat chuan i hnual fovang. I hun hman dan tur ruahmante tihhlawhtlin aiin ruahmanna siam a awlsam zawk. Chhuah aiin luh a awlsam zawk. Thutiam tihhlawhtlin aiin tiam mai a awl zawk. Ba rulh aiin ba neih a awlsam zawk.

Inpawh fan zau lutuk lanna hmasa ber chu i taksaah a ni. Tirhkoh Paula chuan II Korinth 4:7-ah chuan, "Nimahsela, thiltihtheihna chungnung chu keimahni aṭanga chhuak ni lova, Pathian aṭanga chhuak a nihzia tilang turin chu ro chu hlum bêlah te hian kan vawng a ni" a ti. Chu lo lehah chuan, i theih tawk chin i hriat a ngai. Mahni i inpawhfan lai khan hlum bel mai i ni a, Pathian hi thiltihtheihna neitu a ni tih lantirna te i hriat a ngai.

Kan taksa te hi hlum bel ang a ni a. Hmun hran hrana thlauh kan nih avangin kan khi chat nual tawh a. Mahse, Pathian chuan mi chak lo berte hnenah thilpek ropui ber a pe ṭhin, chu chuan, "Hei hi Pathian tih a ni. Pathian thiltihtheihna vang chauhva thleng thei a ni" min tihtir fo ṭhin.

Hun kal tawh chanchinah, Pathian chuan a ropuina tilang turin mi chak lohna a hmang ṭhin. Mi famkimte chauh Pathianin a hman chuan engmah a thleng thei lo- mi famkim kan awm miau si lo a.

I chaklohnate kha thupbo ṭha berin i hria a ni mai thei, mahse, Pathianin chu chu i nuna a hman duh a ni. Mahse, a hmasain, i chaklohnate chu i hriain i zah hmasa tur a ni. Tichuan, i tana Pathian ruahmanna chu tihlawhtling turin nangmah ni lovin Pathian i ring thei tawh zawk ang.

Ngaihtuah zui atan.

Mihring theihnain a tlin phak bak hlen tumin i thawk ṭhin em? Tisa leh thlarauah eng rah nge a chhuah?

Engtinnge Pathianin i thlarau nun chawm nan leh amah i an theih nan i chak lohnate a hman ni a i hmuh?

Khawiah te nge i nun i lo pawhfan nasat ṭhin? Engtinnge i phak tawk hriaa i taka i thlen theih tur chin bituk i insiam theih ang?

*Vawiin hian Isua i zui dawn em?*

A Fapa Isua Krista kaltlangin Pathianin a ṭhatzia a rawn fiah tawh. Bible chuan heti hian a ti, "Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan."_(Johana 3:16)

Chatuan nunna min pek a tiam chang turin Pathiana rinna nghat turin i inring em? I inrin chuan heti hian ṭawngṭai rawh le: "Lalpa, Isua Krisra hi i Fapa a ni tih ka ring e. I hmaah ka sual ka puang a, i ngaihdam ka rawn dil e. Ka sual lak bo anih theih nan ka ai Isua a thi a, nangin i kai tho leh a ni tih ka ring e. Vawiin aṭang hian Isua hi min chhandamtuah ka pawm a,  ka Lal atan ka thlang e. Min hruai la, i duhzawnga nung turin min pui ang che. Isua hmingin, Amen."

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia,

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...