Sunday, February 11, 2024

"AIH" TIH HI I THLARAU NUNKAWNG ATAN A PAWIMAWH

_Hmuh Theih Loh Indona_

- Rick Warren 
- Feb 11, 2024
_"Kan ke pen timuang thei min uai rittu apiangte i paih zel ang u, a bikin tlukna min thlen ṭhintu sual hi i paih ang u."_ (Heb. 12:1, NLT) 

I thlarau nunkawng atana thumal pawimawh em em mai chu i mak tihzawng tak a ni mai thei: *aih* tih hi.

Rinna zinkawng hi thui tak mai a ni a. Mi tam tak chuan ṭha takin an thlarau nunkawng bul an ṭan a mahse a tawp thlen hmain an zuih ral fo ṭhin. Pathianin zinkawng thui tak zawh zo turin a duh che.

I hmaah intlaksiakna tur kawng thui tak a awm a, i kuta rit chawi reng chung chuan i tlan thei hauh lovang. Mi tam tak chu an thil kenten an kut a tihkham ṭhin avangin rinna kawnga an zingkawng zawh lai an tawpsan fo ṭhin.

Hnawk kan then fai a ngai.

Lawng lian hi tuipui laiah chuan chak takin an tawlh thei, mahse a sir tawn tawnah lawngtê tam tak a hnuh chuan a tawlh chak thei hauh lo. Battery hi bulb 1 chhit en nan i hman chuan rei tak a daih ang. Bulb 15 chhit en nana i hman chuan a zo chak sawt ang. Bulb 100 chhit en nana i hman phei chuan rei a daih lovang.

Chutiang chiah chuan thil tam tak tih kan tum chuan kan chungah a thleng ṭhin. Thil ṭha ve tho kan tih hian thil ṭha ber kan tihna tur a dal chang a awm fo ṭhin.

Hebrai 12:1-ah chuan heti hian kan hmu, _"Kan ke pen timuang thei min uai rittu apiangte i paih zel ang u, a bikin tlukna min thlen ṭhintu sual hi i paih ang u."_ (NLT) 

Min uai rittute hi thil ṭha lo an ni hran lo, thil sual pawh an ni lo. An ṭangkai lo a ni mai. I nunah eng rit nge i phurh? I hna emaw, midang nen in inlaichinna emaw, i chinṭhan emaw a ni thei. Pathianin i nuna a beisei thil timuang ṭhintu kha a ni. Chuvangin thil hlu tak a ni hran lo.

"Uai rittu apiang" i paih a hun tawh tak zet.

Ngaihtuah zui atan.

Pathianin i nuna ṭha ber a dah lan chhuahna dal thei, thil ṭha ve tho si kha engte nge?

Pathianin i nuna a thil tum tibahlah thei tur, thil ṭha ve tho si ni ang lang eng hmangtein nge miin hneh an tum ṭhin che?

Eng thil ritin nge tikhawmuang ṭhin che? Pathianin intlaksiakna kawng a siam che i hlen theih nan engtinnge chungte chu i paih theih ang?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...