_Pathian Thutiam Mak_
- Rick Warren
- Jan 06, 2024
_"Pek aṭanga a sawhkhawk thil ṭha i hmuh ka duh . . . Pathianin Isua Kristaa a hausakna hmangin i mamawh apiang a pe ang che."_ (Philippi 41:17, 19, NCV)
Bible-ah Pathianin amah anga thilpek i zir chuan i mamawh apiang a pek tur thu che kan hmu.
Chu chu thudik atan chuan awih har i ti mah mah em? Mahse Bible-in a sawi chuan awih mai rawh! Pathian chuan i sum chungah amah i dah hmasak a thilphal i zir a, i kut i uih loh a i thinlung i hawn chuan i mamawh apiang a pe ang che a ti.
Philippi bung 4-ah chuan Paulan heti hian a sawi, _"Pek aṭanga a sawhkhawk thil ṭha i hmuh ka duh . . . Pathianin Isua Kristaa a hausakna hmangin i mamawh apiang a pe ang che."_ (NCV)
Pathianin i awhzawng apiang ni lovin i mamawh apiang pek che a tiam. Ni e, i mamawh tak tak leh i mamawh ni a i hriatte erawh a dang daih. Thil lawmawm tak chu, chungte chu Pathianin a hrehrang hlauh hi a ni. Pathianin a hmangaih che a- i rilru, taksa, thlarau leh chhungrilah engmah i tlakchham a duh lo. Mahse amah anga thilphalna nun neih i zir erawh a duh bawk a ni.
2 Korinth 9:7-ah chuan heti hian kan hmu, _"Mi tinin ui chunga pe lovin, pek loh theih loh anga ngaia pe hek lovin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni."_
Tuma'n engnge i pek tur hrilh che suh se. I thilphalna chu i duhthlanna a ni. Pathianin amah hmangaihna leh amah an tumna rilru nena i pek khan a lawm em em a ni.
"A nat hma chu pe rawh" tiin an sawi fo ṭhin. Mahse a dik lo! A dam hma chu pe zawk rawh. Hlimna a thlen hma chu pe rawh. Ui tak chungin pe suh. Nawrtu a awm avang maiin pe suh. Pathian chuan hliam taka pek a duh a ni.
Chu chu a hmahruaitu a ni a. Hei hi a thutiam chu a ni: _"Tin, Pathianin khawngaihna tinreng in chungah a vur thei a ni; chutichuan nangnin engkimah a tawk zet nei fovin, hnathawh ṭha tinreng atan in ngah thei ang."_
He thutiamah hian Pathianin a ti mai mai lo. A thu a zuk mai mai lo. I mamawh apiang leh chu aia tam pawh a pe thei che. Hlim tak, phal tak leh mahni duhzawng ngeia thinlung taka i pek a duh a ni.
Ngaihtuah zui atan.
Thilpek kawnga phal tak leh mahni insem huama pek hi engtinnge a lan chhuah dan ni ang?
Phal taka i pek avanga hlimna i tawn tawhte han tarlang teh. Engvangin nge hlimna a thlen ni a i hriat?
[Lettu: Mapuia Fanai]
No comments:
Post a Comment