Friday, January 5, 2024

MAHNI INBUNRUAKIN RO KHAWLKHAWM RAWH

Pathian Thutiam Mak
 
By Rick Warren
— January 05, 2024
 
“Thil ṭha ti tûr te, thil ṭha tiha hausa tûr te, phal taka mi dangte sem ve chîng tûr tein fuih bawk rawh. Tichuan, nakin atân ro hlu tak an insiamsak a ni ang a, nunna tak tak chu an chang dâwn nia.” [1 Timothy 6:18-19]
 
Phal taka thilpek i pek chhuahte chu Pathian thilphalna thutiam finfiahtu a ni a. A thutiamah chuan thil i pek chhuahte engmah i chan tak tak lo. Pathian chuan vanramah a lo khawlkhawm zel zawk a ni.
 
“Thil ṭha ti tûr te, thil ṭha tiha hausa tûr te, phal taka mi dangte sem ve chîng tûr tein fuih bawk rawh. Tichuan, nakin atân ro hlu tak an insiamsak a ni ang a, nunna tak tak chu an chang dâwn nia.” [1 Timothy 6:18-19]
 
Pathian chuan vanramah khawlbawm a siamsak che tih hria ang che, a chhan chu Isua khan ṭum nga lai a sawi tlat – Pathian meuhin ṭum nga lai a sawi a nih chuan chu thuchah awmzia tak tak chu hre turin a duh takzet che tihna a ni ang. Isua khan vana ro khawl khawm chungchang chu a sawi mawlh mawlh a, a chhan chu hre ngei turin a duh che a, chu thil pawimawh tak chu he khawvelah hian i sum hmanga i khawlkhawm theih vang a ni.
 
Tichuan eng pawh Pathian hnena i pek emaw mi rethei hnena sum i pek emaw chang chuan engmah i hloh miah lo tihna a ni. I sum chu an pung zel zawk ang! Pathian Ramah chauh chuan i pek chhuah changin i khawl hlauh thei zawk ang.
 
I hmalam hun atana inbuatsaihna tha neih a pawimawh. Mahse chu aia pawimawh zawk mah chu, i chatuan sum bawm vanramah awm chu a ni – a chhan chu, chu chuan chatuan a daih ang.
 
Engtin nge chu chatuan hawlh tlang thilah chuan i sum i dahkham ve? Engtin nge vanramah chuan ro i khawlkhawm ve ṭhin? Isua chuan “Ka hrilh a che u, khawvêl sum lem hian in tân ṭhian siam rawh u; sum a ral hnuah chatuan rama lawm luh in ni thei ang,” tiin a sawi [Luka 16: 9].
 
Isua avanga sum i senna zawng zawngah chuan chatuan atan i khawlkhawm tihna a ni a. Midangten Isua an neih theihna tura i lo inseng ṭhin a nih chuan, engtik niah emaw chuan vanram an la rul leh ang che, “Ka lawm e! He laia ka awm chhan chu nangmah vang a ni. Chatuan atan i ṭhian ka lo ni ta!” tiin an la hrilh mawlh mawlh ang che.
 
Vanram chu i luhpui thei lova, mahse i lo thawn hmasa thei thung. I thil neihte phal taka hmang chhuakin vanramah chuan i rote khawlkhawm ṭhin ang che, tichuan midangten Isua Krista Chanchin Ṭha chu an lo hre ve thei ang.
 
Ngaihtuah zui atan
 
I sum khawlkhawm chuan engtiang takin nge khawvelah hian sum i khawl tih a tarlan?
 
He khawvela rosum khawl lova vanrama khawlkhawm turin engtin nge i rilru i buatsaih theih ang?
 
I sum thawh chhuah chu engzat pawh ni se chatuan hmunah chuan engtin nge i khawlkhawm theih ang?
 
*Pathian chuan a hmangaih che, eng thil pawh lo ti tawh la.*
 
A chhan chu mihring kan ni tlat, setana nghakuai chiah chu kan ei a, a nghakuaiah chuan tangin chhiar sen loh khawpa tam kan tang zui ta ṭhin. Eng ang thil pawh lo ti tawhin, khawi hmunah pawh lo khawsa tawh mah la, chatuan Pathian chhungte zingah chuan chanvo i nei a, lawm taka lo dawngsawngtu i nei reng e. Sawmna chu zau taka hawn a ni a. Ring la pawm mai rawh.
 
Chatuan nunna chungchanga Pathian thutiam hlen tur ring tur chuan i lo inpeih tawh em? A nih chuan, he ṭawngṭaina tawite hian han ṭawngṭai teh:
 
“Lalpa duhtak, Isua Krista chu I Fapa a ni tih ka pawm a. Ka sualte thupha ka chawi a, i ngaihdamna chu ka dil a ni. Isua chu ka sualte la bo turin a thi a, i kai tho leh a ni tih pawh ka ring e. Isua chu Chhandamtuah ka pawm duh a, vawiin aṭang hian ka Lalpa atana zui turin ka inpeih e. Ka nun hi hruai la, a duhzawng tih min zirtir ang che. Isua hmingin ka dil e. Amen.”
 
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
 
[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...