Monday, January 1, 2024

I RIN CHUAN PATHIAN ROPUIZIA I HMU ANG

 I RIN CHUAN PATHIAN ROPUIZIA I HMU ANG

Luka 11:38-44


 

Ringtute mu tan: Ringtute hian Pathian rinna tak tak hi kan tlachham deuh em aw ka ti fo thin. Kan tawngtai thin a; kan duhna leh ka harsatnate chu kan thlen thin chiang alawm, nimahsela a chhanna lo thlengtur chu kan ring leh thin si lo a ni. Hote nia kan hriatte thleng hian Pathian hnenah a thlen vek theih a ni. Pathian chuan kan mamawh angzia zelin min chhang thin a, min chhandan erawh chu a inanglo fo thin; tawngtai chhanna chu kan rindan a zir te pawh a ni ve bawk thin a. Kan ‘mu tan’ nia ka hriat chu – kan rin ngam lohna hi a ni.

 

Kumtharah – Rinna Nen: Isuan, ‘in rin chuan Pathian ropuizia in hmu ang’ min ti mawlh mawlh a. Pathian ropuizia hmu tur chuan rin hmasak a ngai si a. Tihtur, paltlang tur kan nei hi kan hriat a, Lal Isuaah kan rinnna kan nghah ngam a ngai a ni.

  

Rinna awmzia: Rinna kan tih hi wifi ang deuh hi a ni a, kan hmu theilo nain chu rinna (wifi) thiltihtheihna avang chuan thiltam tak kan tithei thung a ni. Pathian ka ring kan tih pawh hian Pathian chu kan hmu lem lo; nimahsela Pathian kan rinna atang chuan thiltam tak, mihringin a tihtheih ni a kan ngaihloh te pawh kan lo ti thei thin a ni. Thuhriltu leh ziaktu ropui Joel Osteen-an a thusawina ah ‘uncommon faith’ tih hi a sawi a; uncommon faith neite chu extreme faith leh radical faith neite hi an ni a ti. Ringtute hi Average faith leh Uncommon faith ah min thena, average nei chuan Lalpa he harsatna ata hi minpui rawh an ti thin a. Uncommon faith nei chuan Pathianah rinna tak tak an nghata, an dil hma daih pawhin Pathianin a pe dawn a ni tih an ringa. Pathian chuan mihringin a mak kan tih leh theihloh ni hiala kan hriatte pawh  a ti thei tih an hre chiang hle thung a ni.

 

Isua a tap: Luka 11:35 ah Lazara thih chungchangah “Isua a tap” tih kan hmu a. Isua tahna hian awmze pahnih neiin a lang a, “mi thenkhat chuan Lazara a hmangaih vanga tapah an ruat. A awmze thuk zawkah chuan; hun rei tak amah zuia, amah ringa lo awm ve tawh Mari te awmdan Isuan a han hmu a, a hmangaih ngawih ngawihten amah an la hre chiang lo va, an la ring vek lo tih a hmuh chuan a rilruin a rum a, a tap ta a ni. Thihna avanga lungngai leh rum ri a hria a, amah rinna chang an la hre bawk si lo chuan Isua a tilungngai a, a titap ta hial a ni” an ti ve leh tlat a ni.

 

Isuan tihtur a pe: Isuan thlan ata Lazara a kaihthoh dawn khan thlirtute chu thlan kawngka atanga lung chawi sawn turin thu a pe a nih kha. Thu pakhat lek sawiin amah pawhin a ti thei reng a. Amaherawhchu, Pathian chuan mihringten anmahnia an tih theih chu ti ve turin a duh a. Rinna kawngah pawh hian mihring lam hian tih ve tur kan nei a ni tih a tarlang a ni.  

 

I rin chuan Pathian ropuizia i hmu ang: Lazara a thih chungchanga Isuan Mari a chhanna hi a pawimawh hle mai. Ni li ngawt thlana awm tawh chu Isua tan pawh tih theih a nih an ring lo va; Isuan, ‘Pathian ring maitu tan chuan Pathian ropuzia hi hmuh tur a ni e,’ tiin a chhang ta a ni. Pathian ropuina hmu duh chuan Pathian rin mai tur a ni tih a sawi chiang khawp mai.

 

Tlangkawmna: Joel Osteen chuan rinna danglam hi chu rinna satliah a ni lo va, rinna pangngai pawh a ni lo. Chumi chung lam leh a piahlam daih a ni a. Huai tak leh inringtawk taka rinna a ti. Rinna nasa zawk nei turin Pathian hnenah thil danglam deuh i dil tawh ngai em? Rinna nasa chuan rah nasa tak a chhuah a, rinna tam tak chuan rah tam tak a chhuah thin a ti.

 

Lazara damlo tidam turin Isua chu an ring tawk a. Thihna ata kaitho meuh tur erawh chuan Isua an ring zo thei lo. Amaherawhchu, Pathian hnenah Isuan a dil chuan engkim chu tih theih a nih an ring thung. Keini pawhin Pathian kan ringa, kan beisei thin reng a. Amaherawhchu, rinna tak tak hi kan lanchhuahtir ngamlo thin zawk a ni. Rinna tak tak kan neih chuan kan hmaah Pathian thil ropui tak min tihsak thei a ni tih hriain – he kumthar ah hi chuan Lal Isua rinna nen, rawngbawlna nung, malsawm tlak nei turin- ke i pen ang u.

 

Ringtute mu tan: Ringtute hian Pathian rinna tak tak hi kan tlachham deuh em aw ka ti fo thin. Kan tawngtai thin a; kan duhna leh ka harsatnate chu kan thlen thin chiang alawm, nimahsela a chhanna lo thlengtur chu kan ring leh thin si lo a ni. Hote nia kan hriatte thleng hian Pathian hnenah a thlen vek theih a ni. Pathian chuan kan mamawh angzia zelin min chhang thin a, min chhandan erawh chu a inanglo fo thin; tawngtai chhanna chu kan rindan a zir te pawh a ni ve bawk thin a. Kan ‘mu tan’ nia ka hriat chu – kan rin ngam lohna hi a ni.

 

Kumtharah – Rinna Nen: Isuan, ‘in rin chuan Pathian ropuizia in hmu ang’ min ti mawlh mawlh a. Pathian ropuizia hmu tur chuan rin hmasak a ngai si a. Tihtur, paltlang tur kan nei hi kan hriat a, Lal Isuaah kan rinnna kan nghah ngam a ngai a ni.

  

Rinna awmzia: Rinna kan tih hi wifi ang deuh hi a ni a, kan hmu theilo nain chu rinna (wifi) thiltihtheihna avang chuan thiltam tak kan tithei thung a ni. Pathian ka ring kan tih pawh hian Pathian chu kan hmu lem lo; nimahsela Pathian kan rinna atang chuan thiltam tak, mihringin a tihtheih ni a kan ngaihloh te pawh kan lo ti thei thin a ni. Thuhriltu leh ziaktu ropui Joel Osteen-an a thusawina ah ‘uncommon faith’ tih hi a sawi a; uncommon faith neite chu extreme faith leh radical faith neite hi an ni a ti. Ringtute hi Average faith leh Uncommon faith ah min thena, average nei chuan Lalpa he harsatna ata hi minpui rawh an ti thin a. Uncommon faith nei chuan Pathianah rinna tak tak an nghata, an dil hma daih pawhin Pathianin a pe dawn a ni tih an ringa. Pathian chuan mihringin a mak kan tih leh theihloh ni hiala kan hriatte pawh  a ti thei tih an hre chiang hle thung a ni.

 

Isua a tap: Luka 11:35 ah Lazara thih chungchangah “Isua a tap” tih kan hmu a. Isua tahna hian awmze pahnih neiin a lang a, “mi thenkhat chuan Lazara a hmangaih vanga tapah an ruat. A awmze thuk zawkah chuan; hun rei tak amah zuia, amah ringa lo awm ve tawh Mari te awmdan Isuan a han hmu a, a hmangaih ngawih ngawihten amah an la hre chiang lo va, an la ring vek lo tih a hmuh chuan a rilruin a rum a, a tap ta a ni. Thihna avanga lungngai leh rum ri a hria a, amah rinna chang an la hre bawk si lo chuan Isua a tilungngai a, a titap ta hial a ni” an ti ve leh tlat a ni.

 

Isuan tihtur a pe: Isuan thlan ata Lazara a kaihthoh dawn khan thlirtute chu thlan kawngka atanga lung chawi sawn turin thu a pe a nih kha. Thu pakhat lek sawiin amah pawhin a ti thei reng a. Amaherawhchu, Pathian chuan mihringten anmahnia an tih theih chu ti ve turin a duh a. Rinna kawngah pawh hian mihring lam hian tih ve tur kan nei a ni tih a tarlang a ni.  

 

I rin chuan Pathian ropuizia i hmu ang: Lazara a thih chungchanga Isuan Mari a chhanna hi a pawimawh hle mai. Ni li ngawt thlana awm tawh chu Isua tan pawh tih theih a nih an ring lo va; Isuan, ‘Pathian ring maitu tan chuan Pathian ropuzia hi hmuh tur a ni e,’ tiin a chhang ta a ni. Pathian ropuina hmu duh chuan Pathian rin mai tur a ni tih a sawi chiang khawp mai.

 

Tlangkawmna: Joel Osteen chuan rinna danglam hi chu rinna satliah a ni lo va, rinna pangngai pawh a ni lo. Chumi chung lam leh a piahlam daih a ni a. Huai tak leh inringtawk taka rinna a ti. Rinna nasa zawk nei turin Pathian hnenah thil danglam deuh i dil tawh ngai em? Rinna nasa chuan rah nasa tak a chhuah a, rinna tam tak chuan rah tam tak a chhuah thin a ti.

 

Lazara damlo tidam turin Isua chu an ring tawk a. Thihna ata kaitho meuh tur erawh chuan Isua an ring zo thei lo. Amaherawhchu, Pathian hnenah Isuan a dil chuan engkim chu tih theih a nih an ring thung. Keini pawhin Pathian kan ringa, kan beisei thin reng a. Amaherawhchu, rinna tak tak hi kan lanchhuahtir ngamlo thin zawk a ni. Rinna tak tak kan neih chuan kan hmaah Pathian thil ropui tak min tihsak thei a ni tih hriain – he kumthar ah hi chuan Lal Isua rinna nen, rawngbawlna nung, malsawm tlak nei turin- ke i pen ang u.


Vanlalthansanga

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...