Friday, January 12, 2024

ENGTIN NGE NATNA A ṬANGIN KAN ZIR

Pathian Thutiam Mak

By Rick Warren
— Jan 12, 2024
 
“Tuarna hmangin Pathianin mi a zirtîr a,
Harsatnain an beng a tihvârsak ṭhîn.” [Joba 36:15]
 
Hringnun zirlai ṭhenkhat chu natna kaltlang chauhin kan zir thiam ṭhin – a chang chuan midangte natna kaltlang pawhin kan zir bawk.
 
I thil tawn aṭanga inzir chu thil finthlak tak a ni, mahse midangte thiltawn aṭanga lo inzir chu a finthlak lehzual – I natna aṭanga mite zirtir pawh. Nangmah mai chuan thil tam tak I daibaw thei kher lo vang! Chuvang tak chuan kan daisual theuh aṭanga kan inzir tawn chu a finthlak a ni –  mahse Pathianin kan natna chu a lam kan hawi theihna tur leh kan inzir theihna a nihna thua kan rinawm erawh a ngai.
 
“Tuarna hmangin Pathianin mi a zirtîr a,
Harsatnain an beng a tihvârsak ṭhîn.” [Joba 36:15]
 
I harsatna hmachhawn lai mekah khan Pathian chuan eng thil nge hre thiam turin a duh che nia i hriat? Eng nge i zir? Chu chu i zir chhuak a nih chuan, chumi kaltlanga i thil hriatte chu midang hnena hlan chhawng turin a duh ang che.
 
Buaina chi hrang hrang kan paltlang ṭheuh a. I natna chu eng ang natna pawh ni se, Pathian chuan heng a hnuaia thil pathumte aṭang hian inzir turin a duh che:
 
• *Pakhatna, i natna hmang chuan Pathiana innghah dan i zir ṭhin.* Pathian chuan ama nihna hriattir che a duh – I chak lohna hmuna a thiltihtheihna te, hmangaihna phu lo nia i inhriat changa a hmangaihna te, ngaihdam tlak lo i nih laia a khawngaihna te, kalna tur lam I hriat loh changa a finnate chu zirtir che a duh.

• *Pahnihna, natna i neih chang chuan Pathian Thu chu ring tur leh awih turin a duh che.* Thil engkim a kal tluan lai chuan Pathian rin mai chu a harsa lo. I tluan loh lai erawh chuan a awlsam hauh lo thung.  
 
Lal Davida chuan Sam 119: 67 ah chuan hetiang hian a sawi, “Ka tuar hma khân ka vâk bo ṭhîn, Mahse, tûnah i thu ka zawm tâk hi.” Hlawhchhamna leh buaina aṭanga zirlai i zir chhuahte chuan Pathian thutiam ring thiam turin a buatsaih ang che. A Thutiama beiseina chuan i kianga awm thu a tiam che a, nangmahah leh nangmah kaltlangin a thawk chhunzawm fo tur tih a sawi.
 
• *Pathumna, midangte i mamawh tih chu natna hmangin i zir.* I nunah natna i tawng ngai lo a nih chuan, midang i mamawh a ni tih i hre kher lo vang. Natna hmang chauhin midangte tanpuina i mamawhna chu i zir thei ang. Natna hian hringnun hi nangmah mai chuan i hmachhawn thei lo tih a zirtir che a ni. 
 
Tun ngeiah pawh khan natna i nei a nih chuan, hring nun zirlai pawimawh midang, i ṭhiante leh ṭhangtharte hnena hlan chhawn tur zirlai pawimawh Pathian chuan a zirtir che tih hria ang che.

Ngaihtuah zui atan.
 
Midang natna atanga zirlai ngaihtuah tithui ber i lo zir chhuah tawh chu eng nge ni?
 
I natna sawi chhuak tur chuan eng vangin nge tlawmna a pawimawh?
 
Natna i lo tuar tawh thil chu midang nangmah kaltlanga hlawkna lo dawng theitu an awmin i hria em? Tun karah hian chu chu midangte hnenah i lo hlan chhawng ve dawn em?
 
*Pathianin a hmangaih che, eng ang thil pawh lo ti tawh mah la.*
 
Mihring kan nih tlat avangin, Setana thanga a chawchah chu ka hmuam fova, chhiar mai theih aia tam kan dai pelh fo. Eng ang pawh lo ni tawhin, eng thil pawh lo ti tawh mah la, chatuan Pathian chhungte kiangah chuan chanvo i nei a, nghakhlel taka nangmah lo thlir tu i nei. Sawmna chu zau taka hawn a ni a. Ring la pawm mai rawh.
 
Chatuan nunna chungchanga Pathian thutiam hlen tur ring tur chuan i lo inpeih tawh em? A nih chuan, he ṭawngṭaina tawite hian han ṭawngṭai teh:
 
“Lalpa duhtak, Isua Krista chu I Fapa a ni tih ka pawm a. Ka sualte thupha ka chawi a, i ngaihdamna chu ka dil a ni. Isua chu ka sualte la bo turin a thi a, i kai tho leh a ni tih pawh ka ring e. Isua chu Chhandamtuah ka pawm duh a, vawiin aṭang hian ka Lalpa atana zui turin ka inpeih e. Ka nun hi hruai la, a duhzawng tih min zirtir ang che. Isua hmingin ka dil e. Amen.”
 
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
 
[*Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...