Saturday, January 13, 2024

ENGNGE I NGAIHTUAH TIH I NGAIHTUAH NAWN A NGAI

_I Nundan Thlir Let La_

- Rick Warren 
- Jan 13, 2024
_"Mi à chuan engpawh an awih mai ṭhin a, mifing erawh chuan an thiltih ngun takin an ngaihtuah ṭhin."_ (Thufingte 14:15, NCV)

Kan thiltih/nungchang reng reng hi kan rinnaah/rin danah a innghat ṭhin.

Hlauthawng deuha i awm chuan i rilrua thil hlauhawm tak i ngaihtuah lai anih vang a ni. Mahni i inhaw viau anih chuan ngaihhlut hlawh lo niin i inhria a, mahni inven i tum tihna a ni. Chapo taka i khawsa anih chuan ṭha tawk lo niin i inhria a chuvang chuan mahni inla tak chunga inhliah khuh i tum tihna a ni. 

I nungchangah duh loh riau i nei anih chuan a chhan zawng la, a phena i rilru put danhmang kha thlak rawh. Haggaia 1:5-ah chuan Pathianin heti hian a ti, _"In kawngte chu chhut ngun rawh u."_

Mahni han inzawt teh: Hemi lakah hian engvangin nge heti hian ka awm? Ka hnathawhnaah emaw sikulah emaw engvangin nge heti hian ka lo tih? Ṭhenawm ṭhenkhatte chungah engvangin hetianga ka lo chet? Kha ka thiltih kha eng ngaihtuahnain nge kaihruai? Khami phenah khan eng ngaihruatna nge awm? Kha nungchang phenah kha eng rinna nge awm?

I kawppui emaw midang tu emaw nen hetiang hian in thu a inbat tawh em: thil hoteah a inṭan a- mahse i hriat chian hmain a sosang ta vak a, rei lo te chhungin boruak a sang ta hle a. I thunun zo ta lo va, i lungngai a, i zak a, i hlauthawng ta a. I thlanfim a tla a, i awki a ring ta hle bawk a. I biangah mittui a luang ta hial bawk a.

Chutah chuan rin thu eng emaw i rilruah a lo lut ta a. I kawppui emaw i ṭhian emaw khan a kalsan dawn che niin i ngai a. I thusawi ngaihthlaksak loh niin i inhre bawk a. I ngaihdan engahmah ngaihsak loh ni a ngaiin i chungah zahna lantir loh niin i inhre bawk a. I rilrua thil lo lut thut kha i ring ta nghal zung zung mai a ni.

Chutiang dinhmuna i din chuan he zawhna hi inzawt ṭhin ang che: Tunah hian eng ber nge ka rin? I nungchang phena i rin dan kha i thlir nawn a ngai.

Thufingte 14:15-ah chuan heti hian kan hmu, _"Mi à chuan engpawh an awih mai ṭhin a, mifing erawh chuan an thiltih ngun takin an ngaihtuah ṭhin."_ (NCV)

Eng kawngah pawh ṭhang lian tur chuan i rilrua awm te i thlir/ngaihtuah nawn a ngai. Engnge i suangtuah ṭhin kha ngaihtuah let rawh, tichuan ngaihtuah hrisel neiin awmze neiin ke i pen thei ang.

Ngaihtuah zui atan.

Kum eng emaw ti kalta aṭang i nungchang thlak i tum tawh kha han ngaihtuah teh. Chutianga awm tur chuan eng rin dan/ngaihdan nge i lo neih ṭhin?

Thil i tih hmain chumi phena rinna awm chu engvangin nge ngaihtuah a pawimawh?

Nangmah pawh em emtu che nena nasa taka in inhnialin eng ang chiahin nge i rilrua sukthlek phena i rin dan kha ngaihtuah let a pawimawh?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...