Thursday, January 11, 2024

THANG TURIN NI ENG CHAUH I MAMAWH LO

Pathian Thutiam Mak
 
By Rick Warren
— January 11, 2024
 
“In rinna fiaha a awm hian tuarchhel in zir a ni tih in hre si a. Chhel taka tuarna hian, tlin lohna laite siam ṭhain mi a tipuitling a, a tifamkim ṭhîn.” [Jakoba 1: 3-4]
 
Ni eng nuam leh boruak thiang tak hnuaiah chuan a ṭhan theih a – mahse hringnuna hun thim a thlen hunah zung thuk zawkin i kaih thei ṭhin.
 
Pastor ka nihna zawnah chuan mi tam takte chuan inṭhenna, natna, hna channa, emaw thil lungngaihthlak eng emaw karah chuan hun dang aiin an ṭhang chak zawk niin an sawi. Pathian chuan thil harsa chu amah hnaih nan leh puitlinna atan a hmang tih an hre thei.
 
Bible chuan hetiang hian a sawi: “In rinna fiaha a awm hian tuarchhel in zir a ni tih in hre si a. Chhel taka tuarna hian, tlin lohna laite siam ṭhain mi a tipuitling a, a tifamkim ṭhîn.” [Jakoba 1: 3-4]
 
I harsatna hmuna Pathian i tel tir ve a, i hnawtchhuak lo a nih chuan, chhelna a pe che ang a, chu chuan engkim hmachhawn turin a buatsaih ang che – nun nghet, nun famkim leh puitling zawk a neih tir ang che.
 
Natna chu mihring than theihna tura man tam tak nei a ni. He thu hian awmze thuk tak a nei fo. A chinfelna awlsam tak leh siamrem dan awlsam kan duh. Damdawi mum emaw thuzirhona [Seminar] emaw lehkhabu emaw kan natna pawh tidam vek thei kha kan duh a ni. Mi puitling nihna chu natna tel lo a chan kan duh. Mahse chu chu a thleng ngai lovang.  
 
Theologian J.I. Packer chuan tihian a sawi, “Pathian chuan natna leh chak lohna a hmang thin a, tuarna dang zawng zawngte nen chuan. Krista kan rinna chu nitin tihngheh deuh deuhin a awm thin. Chak lo nia kan inhriat changin, amah ah kan innghat tlat a, thlarau nunah nasa zawkin kan thang thin.
 
Tun dinhmuna i tana thil huphurhawm tak chu Pathianin i hmasawnna tur atan a hmang thei a ni. 
 
Lal Davida khan engtin nge khatiang taka Sam bu mawi leh thiltithei tak kha a ziah thei? A chhan chu khawharna, hnawl, rorelna hleih nei a lo paltlang zawng zawngte karah khan Pathian chuan Davida kha a awmpui tlat a ni tih a hriat. Davida khan Pathian chuan engtik lai pawhin a chenpui tih a hria a. Davida thuziak mawi leh tha tak tak te chu a chhung ril natna thuk tak paltlang atangin an ni. 
 
I nunin hun harsa a paltlang lai mek avanga hlawkna i hmuh thin ang te chu hun dangah i hmu kher lo vang. A kalkawng hian mi tha famkimah a siam lo ang che. “In rinna fiaha a awm hian tuarchhel in zir a ni tih in hre si a. Chhel taka tuarna hian, tlin lohna laite siam ṭhain mi a tipuitling a, a tifamkim ṭhîn.” [Jakoba 1: 3-4] an tha famkim chuang lo ang. Pathian chu i natna hmunah pawh nangmah vawngtu a ni ang. Pathian chu nangmah vawngtu atana I ring a, I natna hmunah pawh awmpui tur che a i pawm a nih chuan nangmahah chhelna siamin thlamuanna leh hahchawlhna a pe ang che.  
 
Ngaihtuah zui atan.
 
I thlarau nun than kawngah chuan duhthlang thei niin i inhria em? Eng vangin nge?
 
Hun harsatna karah chuan Isua anna kawngah engtin nge i ṭhan len theih ang?
 
Chhel taka tuar dan zir chu engtianga hlawkna a nih theih tehlul ang?
 
[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...