Sunday, January 28, 2024

ENGIN NGE THLEMSAM TAKA SIAM ṬHIN CHE?

I Nundan Thlir Let La

- Rick Warren 
- Jan 28, 2024
"Thil dang ber aiin i thinlung veng ṭha rawh, nunna lo chhuahna a ni si a." (Thufingte 4:23)

Thlemna i tawh reng ṭhinte do let thei tur chuan engin nge Setana tana thlemsam taka siam ṭhin che tih i hriat a ngai.

Ephesi 4:27-ah chuan heti hian kan hmu, "Diabola chu hmun kian hek suh u." tiin. Setana i chak lohnate kaltlanga i nun a tihbuai lohna turin i nunah hmun kian hauh suh.

Heng thlemna zawng zawng hmanga a beih theihna tur chein engin nge Setana dinhmun ṭha tak siam? Rilru sukthlek dik lo apiang hi a ni. Rilru dik lo i put apiangin Setana tan ṭan chhan ṭha tak i siam tihna a ni a, thlemna i tawh hun dang zawng aiin i sihhnip dawn tihna a ni. Chuvang chuan a ni Bible-in, "Thil dang bera aiin i thinlung veng ṭha rawh, nunna lo chhuahna a ni si a." ti a a sawi (Thufingte 4:23).

I rilru sukthlek laimuah i thinlung a awm. Mahse thlemna hneh turin i nungchang leh i thil tih tur ringawt thlir suh. Chutiang ni lovin i suangtuahna aṭanga i rilru sukthlek leh ngaihtuahna lo lang chu zirchiang zawk rawh.

I nungchang ni lovin i ngaihtuahna hmangin a ni Setana a awh ṭhin che. Nitin i rilru sukthlek hmangin a lem kual ṭhin che. I ngaihtuahna kha thunun a tum a. I rilru put hmang siksawi kawnga mi bîk a ni. I ngaihtuahna te thununin Pathian thu i rinhlelh theihna turin i rilru sukthlek thunun a tum ṭhin.

I rilru sukthlek a thuhnuai tawh chuan a ta i ni tawh mai. I rilru sukthlek a inrawlh tawh chuan nungchangah a lang chhuak nghal ṭhin. Setanan rilru dik lo i put tawh chuan sualah i tlu thuai dawn tih a hria.

Rilru dik lo i put chiah khan thlemnaah i tan tluk a awl ṭhin. Chung chu Setanan a hrechiang em em a, a tihchhiat theih nan che nasa takin a bei ang. Nang pawhin chu chu i hre tur a ni lo'm ni?

Thlemna i tawh reng ṭhinte bei let thei tur chuan thlemna laka sihhip taka siamtu che i rilru sukthlek kha i hriatchian a ṭul. Tichuan Pathian thuah i rilru sawrbing la, chung rilru dik lote chu Pathian hmangaihnain i thlakthleng dawn a ni.

Ngaihtuah zui atan.

Eng rilru dik lote'n nge Setana tan beih awlsam taka siam ṭhin che?

Rilru sukthlek danglam ṭhin mi angin inngai lo mahla i rilru ngaihtuahnain kawng dik loah a hruai ṭhin chein i hria em? Engnge hnawl emaw ringhlel tur emaw a an thlen ṭhin che?

Thlemna do let turin engvangin nge i rilru Pathian thu a i tihkhah a ṭul?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...