_I Nun Dan Thlirlet La_
Rick Warren
Jan 29
”Tin, mangan nîah chuan mi ko la; Ka chhan him ang che; tichuan, nangin mi chawimawi dâwn nia,” a ti a.“ Sam 50:15
A chang chuan thlemna avang hian invenna i mamawh thei.
Thlemna i tawh a, tih ngaihna i hriat loh chuan Pathian i auh a tul.
Thlemna i tawh a i chi-ai mai chuan Pathian nen rei in inbe thei miah lovang a, chutianga i tih kher pawh a tul lovang. "Tawngtaina zung te chi" ka tih mai a awm a, chu chu thumal tlemte chauh - min pui rawh tih mai hi a ni. Pathian hnenah chuan, "Hei hi ka awm duhna hmun a ni lova, a nihna tur piah lam ka dai tep a ni. I puihna ka ngai e" i ti ang.
Pathian thutiam chuan, ”Tin, mangan nîah chuan mi ko la; Ka chhan him ang che" (Sam 5:15) a ti a ni.
Pathian au la. Chutianga i tih chuan nangmah tanpui tur chein i beisei thei ang. A chhan chu a hriatthiam em em che vang a ni. Bible chuan, ”Puithiam Lalber, kan chak lohnate min hriatpui thei lo nei kan ni si lo; keimahni anga kawng tinrênga thlêmna tâwk tawh, sual erawh chu sual lo, nei kan ni zâwk e" (Heb 4:15) a ti.
Isua kha thinrimna khan a tibuai ve em? Aw. Khawharna khan a tibuai em? Aw. Isua khan tisa lam chakna kha a nei ve angem? Aw. Chauhna leh hlauhthawnna khan a tibuai em? Aw. Engvangin? A chhan chu Pathian a ni nain, Pathian mihringa chang a nih vang a ni.
Isua khan thlemna kan tawh ang kha a tawk ve a. Tichuan ka auh hunin min tanpui thei turin kan beisei thei a ni. Chumi avang chuan zak tur pawh kan ni lo. ”Chutichuan, zahngaihna kan hmuh theihna tûr leh, puih kan ngaih huna ṭanpuina khawngaihna kan hmuh theihna tûrin, khawngaihna lalṭhutphah chu huai takin i hnaih ang u.“
(Hebrai 4:16)
Chu chu thlamuanawm tak a ni. Chu chu danglamna tura theihna chu a ni.
Ngaihtuah zui atan...
Pathian hian thlemna dodal tur hian a duh chein i hria em? Engvangin?
Pathian khan engvangin nge Isua kha thlemna tawh a phal?
Amah i auh khan Pathian khan engtin nge thlemna lak ata a chhan che?
(Lettu: Msa)
No comments:
Post a Comment