_I Nundan Thlir Let La_
- Rick Warren
- 27 January, 2024
_"Eng thilah pawh mi in ngaihdam apiang chu kei pawhin ka ngaidam ve a ni. Kei pawhin tute pawh ka lo ngaihdam tawh si chuan, nangmahni tâna Krista hmâa ngaidam ka ni asin;chuti lo zawng, Setanan remchâng a chuh dah ang e; a bumna hmanrua lah kan hai si lo va."_ (II Korinth 2:10-11)
A kalhmang i hriat loh chuan thlemna i hneh ngawt thei lo.
Setana chungchanga thil ṭha kan hriat theih chhun chu ngaihtuahna thar a nei lo hi a ni. Mihringte siam an nih hnu aṭangin thlemna ngai a hmang kual mai mai a ni. Adama leh Evi a thlemna kha vawiinah pawh a la hmang reng a ni.
Pathian khan Adama leh Evi kha Eden huana theirah zawng zawng kha ei a phal vek, chhia leh ṭha hriatna chauh lo kha chu. Setana khan Evi a thlem khan hetiang hian a zawt a, _"Pathianin, ‘Huana thing tinrênga mite hi in ei tûr a ni lo,’ a ti elo?”_ a ti a. Tichuan, _"In ei ni apangin in mit a lo vâr ang a, a chhia leh a ṭha hriain, Pathian ang in lo ni zâwk dâwn tih Pathianin a hriat vâng a nih chu,”_ a ti a.
Setana chuan hetiang kalphung bawk hi nangmahah pawh khan nitin a la hmang a ni. A hmasa berah chuan chhungril duhna dik lo thikna te emaw, hurna te emaw dawhtheih lohna emaw te. A nih loh pawhin, duhna dik ve tho chaw duhna emaw, mipat-hmeichhiatna emaw hmangaihna emaw te, mahse, chung te chu a hun lova ti turin a thlem thung che a ni. Setanan kan duhzawng engpawh hi min tihchhiat nan a hmang thei a ni.
Tichuan, Pathian thu chu a rinhlelhtir che a. "Pathian hian chutiang chu a sawi tak tak em?" tiin i beng bulah zwitein a sawi a. I rinhlelhna chhete chu lain dawt pawm mai i awlsam em em turah a ṭhanlentir ṭhin ta a ni. Sual zawng zawng phenah hian dawt, rin i thlan tlat ṭhin si chu a awm a ni. Setana chu a themthiam a ni tih hre reng rawh. I tluk awlsamna tur a hre em em a, i rinhlelhna te chu phatsannaah chantir a tum ṭhin.
Setana dawtte i rin chuan hetiang hian i sawi ṭhin ang, "Pathian aiin ka hlimna tur ka hre zawk" tiin. I duhna dik lote chu dan angah i pawm ang. A sual lo a ni tiin i inhnehtir tlat ṭhin ang. Tichuan, thuawihlohnaah i lut dawn a ni.
Bible chuan, _"Eng thilah pawh mi in ngaihdam apiang chu kei pawhin ka ngaidam ve a ni. Kei pawhin tute pawh ka lo ngaihdam tawh si chuan, nangmahni tâna Krista hmâa ngaidam ka ni asin;chuti lo zawng, Setanan remchâng a chuh dah ang e; a bumna hmanrua lah kan hai si lo va."_ a ti (II Korinth 2:10-11).
Pathian chuan Setanan hna a thawh dan hre lo turin a duh lo che. A chhan chu, Setana tihdan i hriatthiam chuan, a ruahmanna te i lo hmu thiam dawn a ni. A pawimawh ber chu thlemna do lam ni lovin Setana ruahmanna hriat sa rengte i lo hmachhawn dan zawk a ni.
Ngaihtuah zui atan.
Eng kawngah nge thlemna laka i sihhnip ber?
Setana thawh dan i hriat tawh chuan engtinnge a lo inven dan tur i ruahman ang? Chiang takin ruahmanna la.
Pathian thu ringhlel tura Setanan a thlem hun chein engtinnge Pathianin chhang tura a tih che ni a i hriat?
Pathian thutak hre reng turin eng Bible chang nge Setana chhan nan i hman ang?
[Lettu: Mapuia Fanai]
No comments:
Post a Comment