Saturday, November 4, 2023

ṬHANLEN I DUH CHUAN, A CHANGA 'AIH' I TIH A NGAI

 _Pathianin Bahlahnate Dinchhuahlehnaa A Chantir Dan_

- Rick Warren

Nov 4, 2023


“Chutichuan, chhûmpui nasa tak ang thlîrtuten min hual vêl avâng hian, min tihnawk apiang leh sual keimahnia bet tlat chu i dah ve ang u; tin, Isua, kan rinna siamtu leh tifamkimtu lam chu enin, kan hmaa intlânsiakna tûr awmah hian chhel takin i tlân zêl ang u." Hebrai 12‬:‭1‬

I thlarau zin kawnga thumak pawimawh ber pakhat chu mak tak maiin "aih" tih hi a ni.

Rinna zinkawng hi thui tak mai a ni a. Mi tam tak chu chak takin an che chhuak a,  a tawp lamah an zuih a. Pathian chuan thui tak thlen tur chein a duh che a ni.

Thlarau nun hi marathon intlaksiakna ang mai a ni a - thil rit tak chawi chung chuan i tlan thui thei lo vang. A nihna takah chuan, mi tam tak chuan an zinkawng hi an ken tel thil ten an tihchauh thin avangin an tawpsan fo thin. 

Chutichuan, tha taka thlarau zinkawng zawh turin, thlauhthlak ṭhen i neih a ngai a ni. 

Heng hlimthlate hi han ngaihtuah la:

Tuifinriat lai takah, lawng lian chu chak takin a kal thei a. Mahse , chhanchhuahna lawng za tam tak han thlung tel la, a muan phah sawt ang.

Light bulb-ah battery vuah la, rei tak a eng thei ang. Bulb 15 han vuah chhin teh, chak takin a zo mai ang. 100 han vuah phei la, a la zo rang lehzual ang.

Thil tam tak tih i tum hian, khitiang khi i nih dan a ni thin. Thil tha thenkhat khi chu "aih" i tih a ngai, a chhan chu a tha ber ni thei lovin an siam tlat che a ni. 

Hebrai 12:1 ah chuan, "Min tihnawk apiang leh sual keimahnia bet tlat chu i dah ve ang u" a ti.

Heng phurritte hi an tha lovin, sual an ni tihna a ni kher lo. An tangkai lo mai a ni. Chutiang uai rittu che chu i hna pawh a ni thei, inlaichinna te, i chinthan thil eng emaw te pawh. I nuna Pathianin tih duh a neih tikhawmuangtu a ni. An hlu tawk lo.

Eng hian nge i kal ti muang tih ngaihtuah la, hlihthlak zir ṭan ang che.

Ngaihtuah zui atan...

Eng thilin nge timuang che? Thil tha ni si mahse a tha ber i nihna dal thei thil i tih engte nge?

Kan kawnga lo kal a piangah engvangin nge "aw" tih ngai hi phurritah kan ngaih le?

Tunkarah hian thil pakhat chungchangah "aih" lo ti la. Chu chuan danglamna eng nge a thlen le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...