Hmangaihna Nen Ni 40
- Rick Warren
- October 1, 2023
Pathian hmangaihna chu a chuai ngai lo. Pathian hmangaihna chu a dawhthei a, a tlo a, a beidawnsan ngai lo bawk.
I lakah Pathian a beidawng ngai lo tih hi chanchin lawmawm a ni em? Engpawh ti la a hmangaihna chuan a beidawnsan ngai lo. Tupawh a khung leng vek a, chatuan daih tur khawpin a sei bawk a ni.
Tuna a hmangaih ang che aia nasa khan Pathianin a hmangaih tawh lovang che. Mahse tuna a hmangaihna che aia tlem hian a hmangaih chuang hek lovang che.
Hlim taka hun i hman lai khan a hmangaih che a. Ni ṭha lo i tawn lai pawhin a hmangaih reng che. I chhan let danin a hmangaihna che a hril lo. Pathian chu hmangaihna a ni a, a hmangaihna chu a thlawnin min pe a ni. A hmangaihna chu hlawh chhuah theih a ni lova, phu loh hmangaihna a ni.
Bible chuan heti hian a ti, "I hmangaihna chu englai pawhin a awm anga, i rinawmna chu van te ang khian a nghet dawn tih ka hre si a." (Sam 89:2)
Pathian hmangaihna chu chatuan daih a ni - mahse Isua Krista Chhandamtu a i pawmna hmangin Pathian hmangaihna chu i thlang thei ang. Bible chuan heti hian a ti, "Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e." (Ephesi 2:8-9)
Isua hnenah i inhlan duh takzet anih chuan heti hian ṭawngṭai rawh le:
"Lalpa, i Fapa Isua Krista ka rin phawt chuan ka sualte ngaihdam a ni ang tiin min tiam a, chuvang chuan min siam chhan ka zir anga, nangin i vanramah min lo pawm ang tih ka ring.
"I hmaah ka sual ka puang a, i ngaihdam ka rawn dil e. Ka sual lak bo anih theih nan ka ai Isua a thi a, nangin i kai tho leh a ni tih ka ring e. Vawiin aṭang hian Isua hi min chhandamtuah ka pawm a, ka Lal atan ka thlang e. Min hruai la, i duhzawnga nung turin min pui ang che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia,
Ngaihtuah zui atan.
Pathianin a hmangaihna che tinep turin engmah tih theih i nei lo. Hemi hriatna hian engtinnge hun kal tawha i thiltih lak ata zalenna a pek che?
Pathianin a hmangaih zual theih nan che engnge i lo tih ṭhin?
Engtinnge Pathianin a hmangaihna che i chhan let a phut ni a i hriat?
( *Lettu*: Mapuia Fanai]

No comments:
Post a Comment