Hmangaihna Nen Ni 40
- Rick Warren
- Oct 02, 2023
Pathian tan hian engnge pawimawh tih i ngaihtuah ve tawh em?
Bible chuan heti hian a sawi, "Isua hnung zuitu i nih chuan . . . a pawimawh ber chu i rinna, midangte hmangaihna nun neihtirtu che kha a ni." Pathian chuan i thil tih hlawhtlin leh i hlawhtlinna te kha i nuna pawimawh ber an ni lo a ti. A pawimawh ber zawk chu mi dangte hmangaih thei tura rinna i neih a ni. Chu chu i hloh chuan i nuna thil pawimawh ber i hloh tihna a ni.
Thuhriltuten i rilru hneha i hriatreng an duh thil chu an sawi nawn ṭhin. I Korinth 13 tir lamah Paula'n thil inang si sawi dan dang pangaiin a sawi a: chung zinga pawimawh ber chu hmangaihna a ni a ti.
Hmangaihna a pawimawh em em chhan pathumte chu heng te hi an ni (a dang pahnihte chu naktuk lamah kan zir ang ):
*1. Hmangaihna a i nun loh chuan i thusawi reng rengin awmzia an nei thei lo:*
"Mihring tawngte leh vantirhkoh tawngtein thu sawi mah ila, hmangaihna ka neih si loh chuan dar, ri mai mai emaw, dar benthek, ri mai mai emaw ka lo ni ang."(I Kor. 13:1)
Thuhriltute thusawiin min hneh em em ṭhin. An thusawi thiamnate leh an theihnate kan ngaisang ṭhin. Mahse, Pathian chuan, "Mi biangbiak thiam tak i nihna ka ngai pawimawh lo. Hmangaihnain i nung em? I nung lo a nih chuan i thusawi reng rengin awmzia a nei lovang. Thu chu hmangaihna tel lo chuan bengchheng mai a ni" a ti.
*2. Hmangaihnaa i nun loh chuan i thil hriatin awmzia a nei lovang:*
"Thu hrilh lâwk theihna neiin, thurûk zawng zawng leh hriatna zawng zawng nei vek mah ila, tlâng tisawn thei khawp rinna famkim pawh nei mah ila, hmangaihna nei si lo ila, engtihna mah ka ni lo vang."(I Korinth 13:2).
Hriatna darh zau zelna khawvelah kan cheng a. Ka fing tawh em em bawk a; mahse, kan harsatna a la ngai reng. Engvang nge? A chhan chu, khawvel hian hriatna a mamawh belh lo. Hmangaihna a mamawh zawk a ni. Mi fing tak i ni thei. Mahse, mi i hmangaih chuan si loh chuan i hriatna zawng zawngte chuan hlutna reng an nei chuang lo.
*3. Hmangaihnaa i nun loh chuan i rin zawng ten awmzia an nei lo:*
"Tlâng tisawn thei khawp rinna famkim pawh nei mah ila, hmangaihna nei si lo ila, engtihna mah ka ni lo vang."(I Korinth 13:2b)
Thudik ṭhenkhat rin mai hi Lal Isua hnungzuina a ni tih thuthang dik lo tak a awm. Thutak hlat hi a awm tak tak thei lo. Krista zui chu hmangaihnaa nun hi a ni zawk a. Rin mai aia nasa zawk hi Pathian tih lawm nan a ngai a ni.
Pathian ngaih pawimawh ber i ngaihtuah buai a ngai tawh lo. I Korinth 13-ah chiang takin min hrilh. A pawimawh ber chu hmangaihna a ni.
Ngaihtuah zui atan
Engvangin nge mi dangte leh Amah hmangaih deuh deuh thei tura in zir zel turin Pathianin a duh che?
I ṭhiante hian sawifiah dawn ta che sela, mi dangte chunga hmangaihna i lantir dan engtiangin nge an sawi ang?
Bible chuan, "Nimahsela hmangaihnain a thawh chhuah rinna chu a sâwt êm êm a ni."a ti.(Galatia 5:6)
[ *Lettu:* Mapuia Fanai]

No comments:
Post a Comment