Saturday, August 5, 2023

THILPEK PE TURA THINLUNG PUTHMANG CHI LI

 _Mi dangte Nen A Tha Zawk_

- Rick Warren

Aug 5, 2023



"Mi tinin ui chunga pe lovin, pek loh theih loh anga ngaia pe hek lovin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni." II Kor 9:7


Thilpek i pek hian Pathian duhzawng thinlung engtin nge i neih ang? I thinlung atanga intan chu a ni ngei a. I hausakna ai te khan i pek duhna thinlungah Pathian a lawm zawk daih a, a chhan chu pe tura i ngaihtuah lai khan i thinlung kha a ngaihven zawk a ni.


Bible chuan II Korinth 9:7-ah chuan, "Mi tinin ui chunga pe lovin, pek loh theih loh anga ngaia pe hek lovin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni" a ti. He châng hian thinlung puthmang kawng li a sawi a ni.


*An thinlunga an tum ang zelin.* Pe thut suh. Thilpek danah a rau dan ber chu i ngaihtuah a, i tawngtai a, rilru i siam hian a ni. Eng vangin maw? Kan nuna pawimawh reng reng chu rem kan ruat thin. Pathian chuan i thilpek chu ngai pawimawh tur leh i nunah awmze nei turin a duh a ni.


*Phur taka pek tur.* "Ka pek a ngai miau a! Ka pek loh chuan, Pathianin mi hrem ang" tih loh tur a ni. Mi thilphal i nih khan Pathianin i thinlungah thil nasa tak a ti dawn a ni tih hre chunga pek zawk tur a ni.


*I duh thu ngeiin pe rawh.*  Mi tuin emaw pe tura a nawr luih che chuan, pe suh. Pathianin mal a sawm chuang kher lovang. Amaherawhchu, Pathianin pe tura a duh che chuan, i tih ngei a tha ang.


*Lawm taka pek tur.* Hlim taka pek tur a ni! Greek tawng chuan thilpek tih sawina thumal pakhat chu 'hlimawm' tih a ni. Pathian hian amah leh mi dangte hnena thilpek pek hi nuam ti turin a duh che a ni.


A chang chuan Pathianin pe tura mi cho hian hlim a har em em thin a. Chutianga i ngaih a piang chuan, Pathianin i thinlunga a thawh danah hlawkna i chan theihte in hrilh zawk thin la. Eng vangin maw i thilphal ang? Ṭhenrual ṭha a siam a ni. Khawvel thil ngainat a ti tlem a. Rinna a ti chak a. Chatuan atana khawlkhawmna a ni a. A let lehin malsawm i ni bawk a. Isua angin a siam che a ni.


Ngaihtuah zui atan...


Thilpek i pek chungchangah eng ruahmanna nge i neih?


Thilpek pe tura nawrluih leh Pathianin a chona che kha engtin maw i hriat hran ang?


In chhungkuaah engtiangin nge lawm taka petu niin chumi entirtuah i tan theih ang?


(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...