Monday, August 7, 2023

HMANGAIHNA THILPEK ROPUI BER CHU NGAIHSAKNA HI A NI

 Midangte Nen a Ṭha Zawk

- Rick Warren

- August 7, 2023



"Chutichuan, hun remchâng kan neih ang zêlin mi zawng zawng chungah thil ṭha i ti ṭhîn ang u, rinna chhûngte tân phei chuan i ti lehzual ang u."(Galatia 6:10)


Kan Bible chuan Galatia 6:10-ah chuan, "Chutichuan, hun remchâng kan neih ang zêlin mi zawng zawng chungah thil ṭha i ti ṭhîn ang u, rinna chhûngte tân phei chuan i ti lehzual ang u." a ti a.  Anih chuan, eng vangin nge Pathian chhungte chu ngaihsak bik an ni?


A chhan chu, ngaihsakna i pek tam apiang a ṭhangduang dawn a ni. I huan i ngaihsak chuan, a ṭhangduang dawn. I fate i ngaihsak chuan, an ṭhangduang dawn. In inneihna i ngaihsak chuan, a ṭhangduang dawn. I hna i ngaihsak chuan, a ṭhangduang dawn a ni.


Engnge hmangaihnaah hian thilpek ropui ber? Lunghlu a ni lova, pangpar emaw chocolate an ni bawk hek lo. Hmangaihnaa thilpek ropui ber chuan ngaihsakna hi a ni. Mite mit a en in i nemnghet thei a ni, chuta ṭang chuan, " ka ngai hlu che. I thusawiten pawimawhna an nei a ni, ka tan awmzia i neih avangin" tiin i hrilh thei dawn a ni. Miten a an duh ber chu ngaihsakna a ni. An ngaihtuahna ten awmzia an nei a ni tih leh an nunin awmzia a nei in an hlu a ni tih an hre duh.


Inlaichinna laimu ber chu kan thil in tihsak leh in pek te an ni lo. Inlaichinna ril ber chu eng angin nge kan in pek tawn tih a ni zawk.


"Ka hrethiam lo. Ka thei ang zawng zawng chu ka chhungte tan ka ti tawh. Ka nupui pawh a duh ang zawk zawng ka pe. Ka fate pawh an duh zawng chu ka pe vek. Eng nge an la duh belh?" ti ṭhin mipa ka tawng hnem hle mai.


Nangmah kha an duh che! I hun an duh. I ngaihsakna an duh. I nunah awmzia an nei a ni tih an hre duh. Hun hi engmahin a thleng thei lo. Naupangte hian thildang an mamawh lo, hun an mamawh. Inneihna hian hun a mamawh a, in ṭhian thatna pawhin hun a mamawh a, mi tlemte pawh nise hun an mamawh a ni. 


I nuna mite kha i ngaihsakna tihlanna hun remchang zawng ṭhin rawh. Hmangaihna thilpek i pek theih ropui ber a ni si a. Hun remchang a lo thlen hun chu nghak ringawt suh; i ngaihsakna tihlanna hun renchang chu zawng zawk rawh.


Hun bi tuk a ngaih pawhin hun bi chu tuk mai la. I netflix en hun i hloh a ngaih pawhin hloh mai rawh. In chhungkhur hnathawh chawlhsan a ngaih pawhin chawl mai rawh. Inpekna a ngai a ni. Inlaichinna kawnga ngaihsakna i lantirna tur a nih chuan eng pawh ti mai rawh. Ṭhanlen nan a pawimawh si a.


Ngaihtuah zui atan:


I ringtupuite ni lo midangte eng ang a ngaihsak turin nge Pathianin a duh che?


I kianga mite hnenah ngaihsakna leh ngaihvenna tam zawk engtin nge i lantir theih ang?


Inlaichinna ṭhanlenna atan engin nge i hun la hek ṭhin?


[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...