Midangte Nen a Ṭha Zawk
- Rick Warren
- Aug 06, 2023
"Epaphra . . . chuan thlarau nuna in puitlin theih nan in tan a ṭawngṭai ṭhin." (Kolossa 4:12, NCV)
Paulan Kolossa 4:12-ah chuan ṭawngṭai mi chungchang heti hian a ziak, _"Epaphra . . . chuan thlarau nuna in puitlin theih nan in tan a ṭawngṭai ṭhin."_ (NCV)
Epaphra hi ka mi ngaihsanzawng tak a ni. I tan engnge anih ka hre hauh lo, mahse ka tan chuan ṭawngṭai hi thil harsa tak a ni. Ka tan thil harsa lo tak, a hun te a lo thleng mai ṭhin angin i ngai mai thei, mahse a ni hauh lo. Chuvang chuan midangte tan a ṭawngṭai ṭhin avangin Epaphra kha ka ngaisang a ni.
Midangte thlarau nun puitlinna atana a ṭawngṭai kha ka ngaisang a ni. Midangte tana kan ṭawngṭaiin an mamawh- hriselna leh sum leh pai lamah- kan ṭawngṭaisak fo ṭhin, mahse chutiang tluk chuan an thlarau nun tan kan ṭawngṭai ngai lo. Pathianin amah an an leh zual theihna tura a puih nan kan ṭawngṭai ngai lo fo. A chhan ni a ka rin pakhat chu hetiang lam hawi zawnga kan ṭawngṭai thiam loh vang niin ka hria.
Thil lawmawm tak chu Bible-ah hian midangte thlarau lam nuna an ṭhan len theih nana ṭawngṭaina chungchang a lang tam hi a ni.
*Pathian hmangaihna an hriat theih nan ṭawngṭai rawh*
_"Mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh, Krista hmangaihna hriat phak loh hriat theihna in nei thei ang."_ (Ephesi 3:18-19)
Tunge Pathian hmangaihna mamawh ni a i hriat le? I rilrua a luh angin sawi rawh, "Lalpa, vawiin hian eng ang chiahin nge i hmangaih hriattir rawh." tiin ṭawngṭai la.
*Pathiana rinna an nghah theih nan ṭawngṭai rawh*
_"Beiseina petu che Pathian chuan amah i rin theih nan hlimna leh muanna pe che rawh se."_ (Rom 15:13, NCV)
Tunge beiseina, hlimna leh muanna nasa zawk mamawh lo ang le? Heti hian ṭawngṭai rawh, "Lalpa, beiseina mamawhtu ka hria e. Hun harsaah nangmah ring thei turin pui ang che."
*Pathian finna an dawn theih nan ṭawngṭai rawh*
_"Pathian ropui tak chuan finna leh hriattirna thlarau a pek nan ka ṭawngṭai e"_ (Ephesi 1:17)
Tunge thutlukna lian tak siam tur hmachhawn le? Pathianin finna a pek theih nan dilsak rawh.
"Pathian chakna an dawn theih nan ṭawngṭai rawh*
_"Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka ṭhingṭhi thin a"_ (Ephesi 3:16)
Tunge nun hahchawl lo emaw, mahni maia engkim tih vek ngai ang chi tunge i hriat le? Heti hian an tan ṭawngṭai rawh: "Lalpa, vawiin hian an mal lohzia hriattir la. Chakna leh thiltihtheihna pe ang che."
Vawiin hian i inṭawngṭaipui tawn ang u*
Ngaihtuah zui atan.
Ṭawngṭai hi thlarau lam nuna chinṭhan atana i hman theih nan engtinnge vawiin hian ke i pen ang?
Pathian thu hmanga i ṭawngṭai hian Pathianin engtinnge a dawnsawn i rin?
Thlarau lam nuna i ṭhan len theih nan tunge i inṭawngṭaitir dawn?
[Lettu: Mapuia Fanai]

No comments:
Post a Comment