_Tawrhna i hmachhawn laiin khawiah nge Pathian?_
- Rick Warren
- March 19, 2023
Tawrh i hreh loh phawt chuan chu tawrhna chuan Pathian leh midangte i hmangaihna a tipuitling ang, a chhan chu tawrhna hian midang na tuarte dinhmun min hriattir ṭhin avangin. Na tawrhna hian mahni hmasial berte pawh midangte ngaihsakna nun a neihtir thei.
Kan fapa a thih khan ka nupui nen chuan nupa fate chân hmun thuma ṭhena hmun khat dawn te chu an tawrh em avang leh hmachhawn dun dan an thiam loh avangin an inṭhen a ni tih kan hria a. Mahse ka nupui Kay-i nen chuan kan fapa Matthew-a kan chân hnuin kan inzawmna a thûk leh zual zawk tlat. Kum 50 kal taa kan intawn tirh lai ai khan tunah hian ka nupui hi ka hmangaih nasa tawh zawk. Ka nupui chu heti hian ka zawt a, "Kawng tam takah inan lohna kan nei si a engvangin nge kan inneih reng theih ni a i rin?" tiin. Heti hian min chhang a, "Kan fapa kan châna kan lungngaih lai pawhin kan inkar tiṭha turin kan bei tlat a, kan inkhawngaihtawn vang a ni" tiin.
Pathian laka i rinawm a, mahni chunga i rinawm a, midangte laka i rinawm bawk chuan natna hian midangte i lamah a pawt hnai ang. He thil i hmuh fiah theih dan tur pawimawh ber pakhat chu i ṭhian hnaivai deuh, fuih ṭhintu che nen khan a ni
Ṭhian pawlho tê deuhah chuan thil i tiha i natnate i hrilh khan in inpawhna a tinghet sawt ṭhin a ni.
Pawl têah chuan inpawlhona chhawng li a awm. Kan rilrua thu awm inhrilh tawnna, infiamna emaw in chhungkuaa thil thleng in sawiho emaw kha a kawk a. Chu chu a pawn lang ber a, mahse engmah a dik loh a awm lo. Mahse inpawlns thûk zawk chu Pathian thu zirho hi a ni. Tichuan rawng in bawl tlan hunin in inpawlho a tinghet leh dawn a ni.
Mahse Bible-in inpawlna thûk ber a tih chu "a tawrhnaa inpawlna" (Philippi 3:10, CSB), Pathian chhungkua anga in tawrhna kha a ni. Galatia 6:2-ah chuan, _"In ritphurhte chu inchhawk tawn rawh u, chutichuan Krista dan thu chu in zawm a ni ang."_ tiin min hrilh.
Krista dan chu engnge? Hei hi a ni: Nangmah i inhmangaih angin i vengte hmangaih rawh. Inpawlna thûk ber leh dik ber chu mite an nat laia lo lan hi a ni, mite chunga i tih ang bawkin i chungah an ti ve ang.
I nate i puana midangte natna i enin inzawmna dik leh inpawlho i hrethiam tawh ang.
Ngaihtuah zui atan.
Engin nge i natnate midang hnena sawi lova upbehsak ṭhin che?
Engvangin nge Pathian hian kan natnaah te infuihfawn tura min ti ni a i rin?
Tunah tunge i puih theih mai zingah phurrit phur? Emaw, tunah i tawrh lai a nih chuan tunge i phurrit chawisak thei che?
[Lettu: Mapuia Fanai]

No comments:
Post a Comment