Saturday, March 18, 2023

I NATNATE NEN PATHIAN PAN LA

 _Tawrhna I Hmachhawn Laiin Khawiah Nge Pathian?_

Rick Warren

18/3/2023



"Unaute u, Asia rama kan chunga hrehawm thleng thu kha in hriat loh kan duh lo va, khatia, nasa taka tuar zawh rual lohva, nun reng pawh beisei lo khawp hiala delhbeha kan awm kha. 

A ni, thih mai chauh hmabak tawhin kan inhria a, mahni inring lova, Pathian, mitthi kai thotu chu kan rin zawk theihna tur a lo ni." 2 Korinth 1:8-9.


I hringnunah natna engpawh tawk la, duhthlan tur pahnih i nei: Pathian lak ata i tlan thei e, emaw Pathian panin i tlan thei.


Pathian hawisan zawnga tlan hi kei chuan awmze neiin ka ngai lova. Thlamuanna tha ber lak ata i tlanbo daih chuan engtin nge thlamuanin i awm theih ang? Ka fapa a boral hma kum zawng ai khan a hnulamah khan Pathian pawlin fianrial hun hi ka hmang tam zawk daih a. Chânna avanga ka tawrhnaah khan, chung thil thleng chunga min kal tir zel thei tu chu Pathian chibai ka bukna leh amah ka hnaih tlatna kha a ni.


Pathian pana tlan i thlan rual khan, i natna kha amah hnaih phahna hmanrua atan i hmang daih thei tihna a ni a. Engtin nge chu chu i hriat? I sawi ngai thil awm ni awma i ngaihte kha a hnenah i thlen lova. Chu ai chuan i tawrhna tak kha a hnenah i thlen a. I natna tawrh chu hrehawm i tihzia hrilhin, a hnial hial pawh i hnial thei a.  Chu chu tah hla an ti thin a ni.  Bible ah hian miten tah hla nen Pathian an auhna tam tak a awm a, Sam hmun thuma thena hmun kha pawh chutiang chu a ni.


Pathian hnena han phun ve te pawh hi chibai bukna kawng tho a ni. Lungngaihna dinhmun hrang hrangah chibai i buk thei a. Mak i tihna i sawichhuah a thiang a. I beih hram hramna i thlen thei a. I inhlan thei bawk a ni. Pathian chu i natna tawrh mek hman tangkai sak tur che pawhin i dil thei bawk.


2 Korinth 1:8-9ah khan Paula pawh khan a ti chiah a , "Unaute u, Asia rama kan chunga hrehawm thleng thu kha in hriat loh kan duh lo va, khatia, nasa taka tuar zawh rual lohva, nun reng pawh beisei lo khawp hiala delhbeha kan awm kha. A ni, thih mai chauh hmabak tawhin kan inhria a, mahni inring lova, Pathian, mitthi kai thotu chu kan rin zawk theihna tur a lo ni."


Mi tam tak an natna avanga Isua pan ta chanchin ka hre tawh a. An natna avanga Pathian chibai an buknain a nun a thlak danglam hlauhte an ni. Paulan 2 Korinth 7:9a a sawi ang khan an hnenah hetiang hian ka sawi thei a ni, "Tunah chuan ka lawm a ni, tihlungngaiha in awm avang a ni lo va, simna tura/Pathian hnaihna tura in lungngaih avang a ni" tiin.


Natna i neih chuan, Pathian lak ata tlanbo na tur chi a ni lova. Pathian hnaih hlauhna tur hun tha a ni a, amah pawlna hun, tin, amah hriatna leh hmangaih zualna hun tak a ni.


Ngaihtuah zui atan...


Natan i tawhin tu nge i pan hmasak ber? Pathian hnenah tanpuian zawngin engtikah nge i kal thin?


Natna i neihin, i chakna ngawtin Pathian chibai i buk thei em? Engvangin?


Pathian hnenah i natna - i phunnawina, i tawrhna, i manganna zawng zawng nen i kalna hi chibai bukna vek a ni thei a. Chu thu i hriat chuan engtin nge a khawih che?


(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...