_Lei Rem Rap Turin_
Rick Warren
"Ngun takin in en la. Rinnah chuan i nung em tih in finfiah thin ang che" 2 Korinth 13:5 (NCV).
Engmah hi chiang tak a nih hma chuan tih danglam a ni thin lo. I nunah bul tan tha turin Pathian i dil thei a. Mahse, "Lalpa, min ti danglam turin ka duh che" tih ngawt tur ani lova. I duh dan i rilru a awm kha a hre duh a ni.
Buaina reng reng hi engnge a nih hrechiang hmasa lovin i chingfel ngawt thei ngai lo, chumi awmzia chu i nunah buaina a awm a ni tih i pawm phawt a ngai tihna a ni. I nunah Pathianin ti danglam se i tih kha i chian poh leh, a thleng hma mai dawn a ni.
Bible chuan hetiang hian a sawi a, "Ngun takin in en la. Rinnah chuan i nung em tih in finfiah thin ang che" tiin. (2 Korinth 13:5 (NCV)).
Engah nge siam that i ngaihna lai? Bul tan tha turin Pathian chu i nun englai nge thlak tura i duh?
Pathian nen in inzawmna lam a ni em? Tun aia Pathian i hnaih zawk hun tunhma khan a awm a anih chuan, i siam that a ngai a nih chu.
I taksa lamah a ni em? I taksa zuanzang danah emaw hriselna benvawn lamah a ni em? Pathian puihna i dil thei a ni.
Thil i ngaih pawimawh dan thlak danglam tulin i hria em? Thil pawimawh vak si lo buaipui nileng thinin i inhria em? I hun hman dan i thlak danglam a ngai a ni.
Inlaichinna lam te? Inlaichinna thang thei lo emaw hnungtawlh te a awm em? Pathian pui turin i dil thei a.
I hna lam te? Hna i nei lo mek a ni emaw, i hna chuan Krista i zawnna a dal emaw a nih chuan siam that a ngai dawn a ni.
I rilru puthmang siam that a ngai em? A dik lo a ni tih i hriat reng, i thunun zawh si loh emaw i hlauhthawn pui ngaituahna i nei thin em?
Pathian puihna a ngaihtuahna thar leh rilru thar neih i mamawh a ni.
I chin dawklak thil emaw, fanau enkawl dan emaw, hun hman dan emaw, sum lamah emaw, suangtuahna thleng pawhin siam that ngai i nei thei.
I nunah siam fel that ngai a awm chuan, Pathian hnenah dil la- fiahfai takin sawi thin ang che.
Ngaihtuah zui atan...
Pathian hian i nunah thlak danglam tur chu hresa reng mah se i hriatfiah ve thin hi duhin i ring em?
Kristian thian rintlak tak mai khan i nunah siam that tur engtin nge a hriatchhuah pui theih ang che?
Nitin hun hmanhmawh taka kan hman liam thinah hian ngaihsak ngai kan nun a mi hi kan ngaihthah fo thin a. I nunah siamthat ngai thilte hre thei tura rilru ngaihtuahna uluk taka i hman theihnan engnge i tih tak ang le?
(Lettu: Msa)
.png)
No comments:
Post a Comment