Friday, March 31, 2023

I THLUAK NGEIA INDONA

 _Lei Rem Ram Turin_ 

By Rick Warren

March 30, 2023



" _In zînga indona leh insualna te hi khawi aṭanga lo chhuak nge ni? Nawmchen in duhna, in thinlung chhûnga indona thlen ṭhîntu aṭangin a ni lo vem ni_ .” [Jakoba 4: 1]


Mit khap kar tina i nun hman mekah khan i thluak chuan indona a hmachhawn reng a ni. Tunah ngei pawh khan rilrua indona chu a thleng mek! Thil dik leh dik lo inkar thu a ni a, thil harsa leh awlsam a ni thei a, thil hrisel leh hrisel lo a ni thei. 


I rilru hrisel lo lam – rilru hahna, beidawnna, helhhawlh, khawharna, hlauhna leh itsikna zawng zawngte kha rilrua indona an ni. I nun chhungril lama buaina reng rengte kha rilru lama inṭana an ni. Dik tak chuan, pawn lam buaina zawng zawng pawh kha an ni hial. 


Jakoba 4: 1 chuan hetiangin a sawi, " _In zînga indona leh insualna te hi khawi aṭanga lo chhuak nge ni? Nawmchen in duhna, in thinlung chhûnga indona thlen ṭhîntu aṭangin a ni lo vem ni_ ," tiin. I thluaka indona awm mek duhna inkawkalh kha i muthilh lai pawhin a inchhunzawm zel ang, zan mut theih loh chang leh mangchhia i man laite chuan. Indona ni khata darkar 24 daih, kar khata ni sarih daih a ni.  


I thluaka indona kha a inchhunzawm rengin a nasa hle, a chhan chu i rilru kha bungraw pawimawh ber a nih vang a ni. Nangmah ngei pawh kha i ngaihtuahna, i duh zawng, i rilru puthmang leh i thlarau chu i ni mai. I thluak tel lo chuan, nangmah kha nangmah i ni lo. 


Bible chuan Rom 7: 22-23 ah chuan hetiangin a sawi, “ _Ka mihring chhûngril chuan Pathian Dân chu a lâwm a; nimahsela, ka taksaah hian thawktu, dân danglam tak a awm tih ka hria; chu chuan ka chhûngril ṭha tihzâwng dân chu a do va, sual dân ka taksaa thawk ṭhîn bawihah mi siam ṭhîn a ni_ ." 


Isua chu i zui a nih chuan Pathian thlarau chu nangmahah chuan a awm ang. I nihna thar chu a ni. Chumi awmzia chu Setana chuan i rilru a thunun thei lova, thurawn erawh chu a pe thei che. 


Setan-an ringtute nuna a tih theih awm chhun chu an ngaihtuahnaa thu eng emaw dah a ni mai. I ngaihtuahna a la peng thei a- chu chu thil lian tak a ni. Eng vangin? I ngaihtuahna thununtu apiang chuan a thunun che a ni. I rilrua thil ngaihtuahna tur eng emaw a dah chiah chuan chu thurawn chu i pawm dawn nge pawm dawn lo i chhut ve fe a ngai ang. 


Tunah ngei pawh khan i thluakah thil tam tak a awm mek a, engtikah emaw chuan i rilru leh thiltihah chuan an lo inlar chhuak ang. 


Pathian hnenah chuan thil ṭha lo aia thil ṭha, thil hrisel lo aiah thil hrisel, setana dawt aiah thudik i thlan theih nan a ṭanpuina chu dil ang che. Thlarau Thianghlim aṭanga tihchakna i mamawh chu dil ang che!


Ngaihtuah zui atan. 


I thil en leh ngaihthlakte chuan engtiang chiahin nge thil dik leh dik lo i thlan kawngah an kaihhruai che? 


I nunah khan Thlarau Thianghlim chu a che chhuak theiin i hria em?


Eng thilte chuan nge i ngaihtuahna la nasa ber? Chutiang thilah chuan engtin nge nasa lehzuala i inthunun theih ang tih chu ngaihtuah la Setanan thil sual i tihna kawng a siamsak che lakah chuan i him theih nan? 


[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...