Saturday, April 1, 2023

I RILRU CHU ENGNGE I BARH THIN?

 _Lei Rem Rap Turin_

Rick Warren

1/4/2023



"A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte – thatna reng a awm a, fakna reng a awm phawt chuan – chung chu ngaihtuah rawh u." Phil 4:8


Mi hi an pumrua han en mai hian an ei-in dan tur awm a hriat theih a. Chaw chi hrang ei chi an ni em? Kawngsir thil ei mai chi an ni em? An chaw eite chu an taksa chakna tur leh thahrui siamna tur lam nge, an eiin chuan anmahni a ti chak lo?


Kan rilru, thinlung leh thlarau lamah pawh chu tho chu a ni. I rilru lam chaw ei a zirin i rilru, thinlung leh thlarau lam dinhmun a hriat theih hle a ni.


Darkar tam tak radio ah te, TV en te, zai ngaihthlak te, social media hmante, nasa tak maia thil ente hi rilru lam tan chuan chaw awlsam, khawlai chaw ang mai a ni a. I tan a hrisel lo a. A nihna takah chuan, tûr ang mai an ni. I hringnun damchhan hlen chhuahna kawngah a ti bahlah thei che a ni.


Thufingte 15:14 chuan, "Hriathiamna thinlung neitu chuan hriatna a zawng a, Mi â ka erawh chu dawtin a inhrai thin" a ti a. 


Nitin mai hian duhthlan tur i nei - ngaihtuahna tha ber ber khan i rilru i hrai a ngai a ni.


Philipi 4:8 chuan i rilru, ngaihtuahna leh thlarau tana hrisel ber berte a thlangchhuak a: "A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte – thatna reng a awm a, fakna reng a awm phawt chuan – chung chu ngaihtuah rawh u" tiin. 


Heng a sawite hi i rilru put dan tlangpui a ni em? Rinawm taka i chhan chuan, 'aih' i ti ngei ang. Kan vai hian kan ti theuh ang. Mihring leh sual a tlu kan nih avangin helam hawi lo zawng hian kan rilru hi a awm thin reng a ni.


A dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte – thatna reng a awm a, fakna reng awm tawh phawt ngaihtuah thiam turin i rilru i tuaihriam a ngai a. Engtin nge i tih ang? Tih tawp mai a ni! Bible chhiar te, chumi a ngaihtuahna sen te, chang vawn te hmangjn i rilru tihkhah i tum thin ang a. Chumi tan chuan i ril a tam a ngai phawt a ni.


I ngaihtuah dan khan i nun dan a hruai a. I nun engkim mai chu i rilrua i dah khan a her danglam vek thei, chuvangin Pathian thu atangin thutak chaw i ei reng fo a ngai a ni.


Ngaihtuah zui atan...


I rilru tana chaw i ei thin chu engtin nge i sawifiah ang? I nun a ti chak nge a ti nguai?


Social media kan tihte hi i rilru tan engtin nge tûrah an chan thin? A thatna te chuan a thatlohna lam a buk hneh em le?


Pathian thutak chaw mumal zawka i ei theihna turin Bible i zir dan engtia tih danglam nge ngai le?


(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...