Saturday, March 11, 2023

ENGTIN NGE NGILNEIHNA LEH INNGAIHTLAWMNA HIAN KAN HAHNA HI A TIHTLEM THIN?

 _Hringnun I Nunchhuahpui Ngei Tur_

Rick Warren

11/3/2023



"Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang." Matt 11:29.


Vawiin hian he thu hi khawvel khawi hmun atang pawha chhiar ni la, in hnamin a chin than hahthlak em em mai tawn i nei ve ngei anga. Hei hi thil thar a ni lem lo.  Mitin hian hahna leh chauhna tur thil kan tawng theuh a ni.


Joba buah khan, a chanchin an sawi ber khan rilru hahna tur a tuar chhawng dawn dawn mai a. Joba meuh pawh khan, "Aw, ka manganna hi buk ni teh sela, Ka vanduaina h buknaah dah ni teh sela! Tuipui tiau aiin a rit dawn si: Chuvang chuan ka thu a bung a ni" (job 6:2-3) a ti a. 


Joba ang mai ni hian tuipuikam vaivut zawng zawng i phur ta ang maia in ngaih chang i nei em? Thu bung tak tak chhakchhuah ve mai thin i chak thin em? 


Chutiang anga chauhnaah chuan pan tur kawng khat chiah a awm a: Isua a ni. A zirtirte kha a hrilh a, "Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang" a ti a (Matt 11:29). 


I nuna i hahna ti tlem turin Isua Krista atang chuan engnge i zir theih le? Ngilneihna/thuhnuairawlhna leh inngaihtlawmna.


Mahse, "Ngawi teh, Isua khan eng a tinge, 'Chakna leh dawhtheihna ka zirtir ang che u', emaw, 'Inrintawk dan leh huaisenna ka zirtir ang che u'" a tih loh? Awmzia nei zawk pawhin a lang e.


Mahse Isua chuan heng huaisenna leh tuarchhelna te hian i hahna a ti ziaawm dawn lo tih a hria a. Ngilneihna/thuhnuairawlhna leh inngaihtlawmna i mamawh a, i zir a duh a ni.


Engvangin ngilneihna leh inngaihtlawmna kher maw? I hre lo a ni maithei a, mahse i nunah hahna i tawn tam ber hi thinchhiatna leh chapona vang a ni a - chung thil pahnih damdawi chu ngilneihna/thuhnuairawlhna leh inngaihtlawmna te an ni.


Thinchhiatna hi thil i tih puat puat hian a thleng thin a. I nghak hman lova. I ngaihtuah lova. I ti khawmuang lova. I ngaihtuah chiang hman lo a ni. Pathian kaihhruaina leh kawhhmuhna i ring hman lova. I ke khinghnihin i zuanglut pop mai a ni. A rahchhuah chu, i inpe leh lutuk a, i nun chu thil dik lovin i ti khat vek thin a ni.


Chapona hi i tana tha ber i hria a ngaihna niin, engkim i thuhnuaia dah tumna a ni a. Pathian ai mahin thil ti thei zawkah i in hmu a. Chu chuan kan nunah min tichau thu hahna a thlen nasa a ni.


Thudik tak chu, tih vek i tum emaw, neih vek i tum emaw, nih vek emaw, tawn vek emaw i tum hian, chapona leh thinchhiatna a thlen thin. Tin, an lehlam chiah - an damdawi  chu - ngilneihna leh inngaihtlawmna a ni.


I hahna tireh turin kawmg hrang hrang i dap a. Engah nge Pathian i rin chhin loh? Isua pan la. Rorel kha tum ber lo la. Hah lo zawka nun inzirtirin, ngilneihna leh inngaihtlawmna nasa zawk inzirtir ang che.


Ngaihtuah zui atan...


Eng ang kawngah nge i nunah hahna i tawn? Chungah chuan engtiangin nge thinrimna leh chapona i tawn le?


Engtin nge ngilneihna leh inngaihtlawmna midang i thiltihpui thinte lakah i neih theih ang?


Isua hnen atanga zir tih hi engnge a awm zia?


(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...