Sunday, December 18, 2022

THILPEK ROPUI BER

 _Ngaihven ru, Chanchin Ṭha ber chu!_

- Rick Warren 

- December 18, 2022


"A thilphalna nasa tak chuan amah nen min dintir a. Thilpek liau liau a ni. Kan buaina nasa tak ata chu min la chhuakin min duhna hmunah min hûng a. Chu chu Isua Krists a kaltlangin a ni a tih ni. Khawvel sual tlan nan Isua chu halral thil hlanah a hlan ta a ni " (Rom 3:24-25, The Message)

Thilpek i dawn ropui ber chu dawr aṭanga i lei a ni lova. Pawisa a lei pawh a ni lova. Mawi taka tuam pawh a ni hek lo.

Mahse, a petu erawh chuan engkim a chan thung.

Bible chuan Pathianin thilpek ropui ber ni turin khawvelah a Fapa a tirh thu min hrilh a. Pathian nena kan in rem theih nana thi turin he khawvelah hian a lo kal a ni. _"A thilphalna nasa tak chuan amah nen min dintir a. Thilpek liau liau a ni. Kan buaina nasa tak ata chu min la chhuakin min duhna hmunah min hûng a. Chu chu Isua Krists a kaltlangin a ni a tih ni. Khawvel sual tlan nan Isua chu halral thil hlanah a hlan ta a ni."_ (Rom 3:24-25, The Message)

Isua kha engvang a thi tur a lokal nge a nih? Mihringte buaina bul leh Pathianin a chinfel dan han chhui ta ila.

Isua Kristaa awm tlanna chuan a khawngaihna avângin a thlâwnin thiam min chantîr a, Pathian dawhtheihna chuan tûnhma zawnga thil sual lo tih tawhte haiderin, a dikzia târlan nân rinnain a Fapa thisen chu sual thâwi nân a ruat a".(A thuchah)

*•Famkim reng kan awm lo:* Mi famkim nia inchhal pakhat mah ka la tawng ngai lo.  Ka beisei angin ka teh lo va, Pathian tehfung famkim pawhin ka teh lo.  Nang pawhin i ti lo. Kan tisual tawh vek a ni. _"Mi zawng zawngin thil sual an ti vek a, Pathian ropuina chang zo rêng an awm lo"_ (Rom 3:23 NKJV).

*•Pathian chu a dik a ni:* Pathian chuan dik taka rorel a duh a. Miin dan a bawhchhiat chuan hrem tur a ni. Mihring dan i bawhchhiat chuan mihringte hremna i tuar tur a ni a. Pathian dan i bawhchhiat chuan Pathian hremna i tuar tur a ni thung. Bible chuan, "Sual man chu thihna a ni" (Rom 6:23)a ti.

*•Isuan i sual man a pe tawh:* Kan Bible chuan, "Amahah chuan Pathian dikna kan lo nih theih nân, sual rêng rêng hre lo chu Pathianin keimahni vângin sualah a siam ta a ni".(II Korinth 5:21). Isuan ka sual leh i sual leh sual tih tawh zawng zawngte chu a rawn phur ta a ni.  Chu chu Chanchin tha a ni.  Isuan i pek theih ngai loh man chu a pe a ni.

*•Pathian thil thlawn pek i pawm dawn leh dawn loh i kutah a awm.* Isuan i sualna ama chunga a nghah khan Pathianin a thlawnin chhandamna a pe che. Mahse i dawn ngei tur thil thlawn pek a ni. Bible chuan heti hian a ti,  _"Nimahsela amah lawm apiang chu, an hnenah Pathian fate nih theihna tur a pe, a hming ringtute chu."_ (Johana 1:12)

Pathian chhandamna thlawn pek chu i pawm dawn em? Isua nen inlaichinna ṭha zawk nei tur chuan hriatthiam a ngai a. Thilpek dawn pawh zir tur a ni.

Vawiin hian Pathian chhandamna thlawn pek pawm tura i inpeih chuan heti hian ṭawngṭai rawh:

"Lalpa, misual ka ni tih ka inhria a, i ngaihdam ka rawn dil e. Isua Krista hi i Fapa a ni tih ka ring a. Ka sual avanga thiin nangin i kai tho leh a  ni tih ma ring. Isu, ka chhandamtuah pawm che a vawiin aṭang hian i hnung zui ka duh e. Min hruai la i duhzawnga nun dan min zirtir ang che. Isua hmingin, Amen."

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.

Ngaihtuah zui atan.

Chhandamna tiam lohin eng thilpek nge i dawn hlu ber ni a i hriat?

Engvangin nge thilpek thlawn hi dawn a har?

Pathian chhandamna thlawn pek hi tunge i hriat hnaivaite zingah hriat mamawh? Tun hun chhung hian krismas inkhawma tel ve turin sawm rawh.

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...