Friday, November 11, 2022

RUAHMANNA MUMAL CHUAN I DAM CHHAN A HRIATTIR CHE

 Nun duhawm zawk nei tura inbuatsaih dan

By Rick Warren

November 10, 2022


“I kalna tûr en ngun la, I tih tawh chu a hlawhtling ang.” [Thufingte 4:26]

Pathian chun i tan r0uahmanna a nei – mahse chuvang chuan ruahmanna i lo duang ve tur a ni lo tihna a ni lo. Then vel mai mai tur pawhin a duh lo che, I kiang vela thil thlengin an khalh mai mai che pawh a remti lo. I kawng zawh lai chu nghet taka zawh turin a duh che. 

Bible-ah chuan ruahmanna eng emaw zat a sawi na a, A bulthut pathum thil pawimawh tak takte chu hengte hi an ni..

 *Pathianin hmachhawp a duang* 

Jeremiah 29: 11 chuan hetiang hian a sawi, “In tâna ka remruat chu keimah chauhvin ka hria,’ tih hi Lalpa thu chhuak a ni. ‘Chhiatna ni lo, thil ṭha in beisei chu in chan theih nân ka ruahman a ni,” tiin.  

Pathian chuan amah i rin a  duh a. Tichuan, Pathianin hmachhawp a duang a nih chuan nang pawhin i lo duan ve a ngai ang.

Pathian nihna ni lo chu hei hi a ni: “Pathian chu buaina Pathian" a ni lo [I Korinth 14: 33]. Kut tluana i hnathawh dan tur ruahmanna i siam tawh em? kum sawm bi lo la awm tur bik chauh? I nun tan ruahmanna engmah i la siam lo  a nih chuan I nun chuan buaina a tawk ngei dawn niin a lang - chu chu Pathianin a siam chhan che chu a ni

*I nun atan a hlawk zawk avangin,Pathian chuan ruahmanna siam turin a duh che*

Bible pumpuiah hian, a bik takin Thufingte lehkhabu bikah chuan hmachhawp mumal taka duan a hlawkthlakzia a sawi a. Thufingte 4: 26 ah chuan hetiangin kan hmu, “I kalna tûr en ngun la, I tih tawh chu a hlawhtling ang.” Chu thu chu “ruahmanna siam rawh” tih nen a inang reng. 

Ruahmanna siam tura Pathianin a duh chhan che chu nitin nun buai leh hreawm taka hmang turin a duh lo che a. Bible chuan hetiangin a sawi a, “Amaherawhchu, engkim fel tak leh awmze nei taka tih tûr a ni.” 1 Korinth 14:40 

*Pathian chuan i hun khawhral turin a duh lo che.*

Ruahmanna siam chu mi rinawm hna a ni. I nunna hi Pathian pek che a ni.I thiltih ang ang hi, Pathian tan i peklet a ni. Ephesi 5: 15-17 chuan hetiang hian a sawi, "Chutichuan, in khawsak dânah fîmkhur hle rawh u, mi â-te anga awm lovin, mi fingte angin awm zâwk rawh u. Hun ṭha lo taka awm kan nih avângin in hun chu hmang ṭha rawh u. Chuvângin, â takin awm suh ula, Lalpa duhzâwng eng nge ni tih hriatthiam tum zâwk rawh u."

*Tihdan hlui hman reng hi a hneawm tih hi a dik* : Tum mumal i neih lohna hi i hlawhchhamna a ni.

Hmalam hun tha zawkin a hmuah theihnan che ruahmanna holamte pawh nise han ziak chhuak teh.

Ngaihtuah zui atan.

Vawiin hian Pathian i lo an lehzual theih nan i hmabak kara hunte chu engtin nge i ruahman theih ang?

Ruahmanna mumal nei thei lo khawpa daltute langsar deuhte chu engnge an nih? 

Ruahmanna siam uar lutuk a awm theih ang em? Ruahmanna fel tak siam mang loten, buaina an tawh ang hi,Eng angin nge ruahmanna mumal tak siam thinten an nei tlem a i hriat?    

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...