Saturday, November 12, 2022

HRINGNUN ATAN RUAHMANNA SIAM DÂN*

 Nun duhawm zawk nei tura inbuatsaih dan

- Rick Warren

November 12, 2022



"Mihring rilruin a kawng a ruahman a, A ke pen erawh chu LALPAN a hruai thin." - Thufingte 16:9


I nun atan ruahmanna i siamin, i tih ve aiin Pathianin a hlawhtlinna tura a rawn tih ve hian awmzia a nei zawka, mahse i tih ve tur pawh hi a la pawimawh em em tho a ni. Thuthlung Hluiah chuan, a remruatna kawnga Pathiana innghah chungchangah Nehemia khan entirna tha tak a hnutchhiah a ni.


Nehemia kha Lal Artezerzia hunlai khan lal no hlantu a ni a. An khua Jerusalem kha tihchhiat a nih thu leh, mahni pawh inveng thei lo khawpa a awm thu a hria a. Chu chuan Nehemia a tibuai tlat a ni. Chumi avang chuan an khaw lamah haw a, kulh bangte din that kha a duh ta a. Mahse remruatna tha tak nen lo chuan thui a kal thei dawn lo tih a hria a ni.


Bible chuan, "Mihring rilruin a kawng a ruahman a, A ke pen erawh chu LALPAN a hruai thin" (Thuf 16:9) a ti. 


Jerusalem a thlen theihna tura ruahmanna pasarih a siam khan hringnun atan ruahmanna siamna kawngah rahkâ min siamsak a. A hmasa pahnihte chu:


*Rahkâ 1-na: I nun atan Pathian duhsakna dil rawh*


Nehemia khan lal hnenah kalin, an kulh siamtha leh tur khan a ti ngawt thei lo tih a hria a. Chumi avang chuan Pathian hnenah a tawngtaia, duhsakna a dil a ni: "Aw LALPA, khawngaih takin i chhiahhlawh tangtaina leh i hming tih lawm zawnga neih, i chhiahhlawhte tawngtainaah hian i beng lo chhi ang che; tin, vawiinah hian i chhiahhlawh hi min hlawhtlintir la, he mi mithmuhah hian khawngaih takin zahngaihna dawntir ang che" (Neh 1:11) a ti. 


Pathian duhsakna chu Pathian khawngaihna hi a ni a, tin, i ruahmanna hlawhtlinna turin chu chu i mamawh a ni. Nehemia khan hetiang hian a tawngtai bawk a ni tih hi hre tel la, "min hlawhtlin tir la" tiin. A chang chuan i hlawhtlinna tur hian Pathian hnena dil ngai lovah i ngai maithei a. Pathian ring chunga hlawhtlinna dil hi sualna reng reng a awm lo a ni.


*Rahkâ 2-na: Hun remchang ngaihven la, chumi tur chuan nghak rawh.*


Lal hnenah Nehemia khan a thlen hmain sawina hun remchhang a ngaihven a. Tichuan nikhat chu, "Heti hi a ni a, lal Artazerzia kum sâwmhnih a lal kum, Nisan thlaah uain an rawn hlui hnuin uain chu ka la a, lal chu ka pe a.Tun hma lam chuan a hmaah lungngai hmêl ka pu ngai lo va" (Neh 2:1). Nehemia khan inbuatsaihna hun tha a neih avangin, lal hnenah sawi tur dik tak a hria a ni.


Ruahmanna atan te, duhthusam leh hmathlir Pathianin a pek che atana i tawngtai tan chiah hian, Pathian hian a chhang nghal mai kher ngai lova. I tih takzia Pathian hian a thlir thin a ni. I nghah chhung khan tawngtai leh ruahmanna i siam tho dawn lawm ni? A nih chuan, remchanna kawng a kik rik veleh hawng turin i lo inpeih dawn a ni.


Naktukah rahkâ dang pathum Nehemian a hmante i hringnun ruahmanna siamna atan kan zir leh dawn nia.


Ngaihtuah zui atan...


Pathian finna leh khawngaihna dil hmasa lova ruahmanna i siam thinte ngaihtuah la. Engtin nge rah a chhuah thin?


Vawiin hian remchanna kawngka inhawntir turin eng rinna rahkâ nge i zawh ang le?


I chhungkuaah, hnaah, khawtlangah, khawpuiah, hnamah dinthat ngai engte nge? Tawngtaiin Pathian hnenah finna te, kawhhmuhna te, duhsakna te ruahmanna i siam pahin dil ang che.


(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...