Saturday, September 17, 2022

THLARAU LAM NIHPHUNG PANGA I HRIATTHIAM NGAITE

Chatuan Nihphungte

- Rick Warren

Sept 17, 2022


"Thil hmuh theihte hi en lovin, thil hmuh theih lohte chu kan en zawk si a; thil hmuh theihte hi rei lo te atan a ni a, thil hmuh theih lohte erawh chu chatuan atan a ni si a." 2 Kor 4:18

Engkim i hmuh theih hi eng emaw chhung atan chauha awm a ni a. I hmuh loh thilte zawk hi a ni awm reng tur zawk chu.

Tin, chutiang chatuan thil, thlarau lam thil nihphungte chu thil pawimawh ber berte chu an ni.

Thudik chu, thlarau lam thilte hi tisa nei thilte ang thova a tak tak an ni a. Tin, thlarau lam thilte chu thil tak tak zinga mi an nih avangin, chung lam chu i hawi a ngai a. Hengte hi thlarau lam thil panga i hriat atana ṭulte chu a ni:

*Pathian chuan hmangaih tur chein a siam che.* Hmanah ka hnêna LALPA lo lang chuan, heti hian a ti: A ni, hmangaih tawp lovin ka hmangaih chia, Chuvangin lainatnain ka hruai haw che. (Jeremia 31:3). Pathian chuan hmangaih tur chein a siam che a. Chuvang chuan amah hmangaih let i zir ve pawh a duh a ni. Hei hi hringnuna thil pawimawh ber a ni.

*Chatuan daih tura siam i ni.* Bible chuan, "Mihring rilruah chuan chatuan a dah bawk a" (Thuhriltu 3:11). Evangelist Billy Graham khan thihna chungchang hetiang hian a sawi a, "Engtik niah emaw chuan Billy Grahama chu a thi tih i la hria ang a. Lo awih reng reng suh ang che u. Tuna mi ai mah hian ka la nung zawk fe dawn a ni. Ka awmna address ka thlak mai dawn tihna a ni a. Pathian awmna hmunah ka kal mai dawn a ni" tiin. Tunah chuan Pathian kiangah a awm ta a ni.

*Pathian chuan chatuan hmun pahnih a siam.* Vanram leh Hremhmunte hi a tak tak an ni a. Thil eng emaw nihphung mai an ni hauh lo.

*Chatuan i hmanna tur hmun i thlang thei.*  Engtik niah emaw hremhmunah i awm thut dawn lova. Duhthlanna i siam avang chauhin i awm dawn a ni. I nuna thuneituah Isua i thlan chuan, a hnenah Vanramah i awm ve ang a. I hnawl a nih thung chuan, hremhmunah chatuan hmun i hmang thung ang. Chu bak kawng dang a awm lo.

*Duhthlanna siam leh turin hun dang i nei leh tawh lovang.* Duhthlanna hian hunbi a nei ang. Chatuan i hmanna tur hmun thlanna turin nun i nei a, mahse i thih hnuah erawh i thlak thei tawh lovang. 

Heng thudik pangate i zawm dan hian i chatuan nun a nghawngin, he chatuan hmuna i nun dan a tidanglam bawk dawn a ni.

Khawvela nun hi chu a chiangkuang lova, Isua thlang tura duh i la thlan loh chuan, vawiinah thlang ngei ang che.

I nun kha Isua hnenah hlan i inpeih chuan, he tawngtaina hian han tawngtai ta che.

"Duhtak Isu, ka rin che chuan ka tihsual tawh zawng zawng min ngaihdamte, ka nun awmzia ka hriatthiam leh engtik niah emaw i chatuan inah min lo pawm tur thute i tiam a.

Ka sual i hnenah ka puang e. Ka Pathian, ka chhandamtu i nih ka pawm a. Ka nunah ka Lal atan ka pawm che a. Vawiin hian, i enkawl turin ka nun engkim i hnenah ka rawn hlan e. Ka nunah thlutlukna siam turin thuneihna i nei e.

Isu, i hmangaihnaah chawlh ka duh a.  Ka thawhchhuah emaw, ka phu em vang emaw a ngaih loh avangin ka lawm e. Mahni tana nung lovin kan nun pum i tana hman ka duh a. Tlawm takin ka nun i hnenah ka hlan e. Min tlan turin ka ngen che a, i chhungkuaah min pawm ve ang che. Isua hmingin ka dil e. Amen."

Ngaihtuah zui atan...

Hmuh theih loh thilah te rilru pek en gnge a tulna?

Engtin nge hmuh theih lohte Pathianin a hriatfiahtir thin che?

I nun pumpui kha Isua thlang turin engvangin nge Pathianin a pek che a, i thih hnuah erawh hun a pek tawh si loh che?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...