Friday, September 23, 2022

SUAL NENA INDONAAH CHUAN SUAL CHU HNEH SA A NI

 Chatuan Nihphungte

By Rick Warren

— Sept 23, 2022 


“Sual ngam chein awm suh la, ṭhatnain sual chu ngam zâwk rawh.” [Rom 12:21] 

Sual nen in inhmachhawn changin tlawmsan suh la. Hneh zawk ang che. 

Chu chu mihring nihphung nena inkalh tlat niin khawvel chuan a hnawl fo. Mi tuten emaw an tihnat chang chein tihnat let ve i duh ang ti raw, a dik em? Mi tuten emaw an vuak chang che chuan vuat let ve i duh ṭhin. Miin an elsen chang che chuan elsen let ve i duh ṭhin. 

Mahse Pathian chuan chutiang chu sual nena indonaah hneh dan a ni lo tiin a sawi. Rom 12: 21 chuan hetiangin a sawi, “Sual ngam chein awm suh la, ṭhatnain sual chu ngam zâwk rawh,” tiin. Chu chu Pathianin indona a hneh dan chu a ni. 

Isua khawvela a lo kal chhan chu, phuba lak hi sual hneh dan  a ni lo tih hrilh hre tur chein a ni; thatnaa chhang letin i hneh thei. 

Bible chuan hetiangin a sawi, “Pathian Fapa lo lan chhan chu, Diabola hnathawhte tiboral tûr hian a ni” [I Johana 3: 8]. Isua chu sual tibo tura lo kal a ni ngei a. Tibo vek tura lo kal a ni. Sual chu engtik niah emaw chuan a la tawp ang. Chatuan a daih dawn miah lo. Engtik niah emaw chuan Pathian chuan lehkhabu chu a la khup ang. Thil sual titute chu a la hrem bawk ang. Hun chu a la titawp ang a, a chhungte chu chatuan hmunah a kiangah a la hruai vek ang.   

Hnehtu lama tan i duh chuan Pathian pawlte chu bel ang che, a chhan chu sual chu a la tlawm dawn. Sual chuan hnehna chu a chang ve phoh phoh ngei mai a, mahse hnehna tak tak chu duan lawk a ni. 

Tha leh sual chu an chakna leh an inel theihna a inang lo. Sual chu chak zawk anga ngaih chang maw hnehtu ang zawk an ni thei. Mahse hmangaihna chu sual aiin a chak zawk. Ngilneihna chu sual aiin nasa tak zawk. Thatna chu sual aiin a ropui zawk bawk. Thatna chuan vawi tam tak sual chu hlado vawi za chuang a la chham un un ang. 

A tawpah chuan Pathian leh amah zuituten hnehna an chang ang. Thatna chuan sualna chu a la hneh ang a, a hmangaihna chuan chatuan a daih ang. 

Isua chuan hetiangin a sawi, “Petera i ni tih ka hrilh bawk a che; he lungpui chungah hian ka kohhran ka rem chho vang a, mitthi khaw kulh kawngkhârte chuan a ngam lo vang” tiin. 

Sual beihna atan chuan thatna chu i hmang thei ang, a chhan chu Pathian thutiam a ni. Sual nena in indo chang chuan Pathianin a hneh tawh tih hre chungin  awm ang che. Sual chu a la tlawm ang. Sual chu a la tlawm dawn. Hnehna chu a chiang sa mai a ni. 

Ngaihtuah zui atan. 

Engti kawngin nge sual chuan khawvelah hnehtu a ni tih chu nangmahah a lo luh? 

Sual chu thatnaa hneh i tum changin engtin nangmah leh nangmah kha i infuih thin? 

Pathianin kohhran a tih awmzia han ziak hmasa teh. Chu chuan engtin nge sual chu thatna hmangin i hneh theih.? 

*Kristaa awmte tan chuan thiam loh chantirna reng a awm lo.* 

Ka Pa, i thutiama kan hmuh ang chuan, Isua zuitu nih ka duh ve chuan ka sualte ngaihdam a ni ang. Misual ka ni tih ka hre chiang a, nangmah chauh chu ka thil lo tihsual zawng zawng chhinchhiahna chu i nawtreh vek thei tih ka ring.  

Isu Krista, ka sualte avangin i lo thi tawh tih ka ring a. i tho leh a ni tih pawh ring ka nghal bawk. Thihna hnehin i tho leh tih ka ring a, sualna bupui chu hnehin ka chatuan hmun chu vanrama ka hman theih thu ka hria. Chhandamna chu ka thawhchhuah emaw, ka phu emaw, ka thawh chiam a ngai ta lo. Min chhandam avangin ka lawm e. I khawngaih thil thlawn pek a ni. Lo pawm mai chu ka tih tur a ni tih ka pawm e.   

Vawiin hian sual chu hnuchhawn a ka thinlung leh nun tak taka lo cheng turin ka sawm che. Ka Lalpa leh Chhandamtu atana rin che ka duh bawk.  Ka nun hmabak pumpui hi i rawngbawkna atan hman ka duh e. 

Ka nun pumpui hi i rawngbawlna atan chauha hman ka duh e. Min hmangaih vante, min tlan avangte zinga tel ve tura min sawi avangin lawmthu ka hrilh a che. I hmingin kan dil e. Amen 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...