Thursday, September 22, 2022

HREMHMUN THAT LOHNA LAI BER

 Chatuan Nihphungte 

By Rick Warren

— Sept 22, 2022 


“Chatuan nun in nei tih in hriat theih nân nangni Pathian Fapa hming ringtute hnênah hêng thu hi ka ziak a ni.” [1 John 5:13] 

Hrehmun i ngaihtuah changin i rilrua thil lo awm vat eng emaw chu a awm ngei ang. I suangtuahnaah chuan thil sen leh thil dum eng emaw a awm mai thei, meipui rapthlak tak nen, ramhuai a chhunga phe suau suau nen chuan. 

Bible-a kan hmuh dan chuan hremhmun chu intihduhdahna hmun a ni. Matthaia 13: 42 ah chuan hetiang hian kan hmu, “rawh tuina meiah chuan an paih ang; chutah chuan ṭah leh ha ṭhial chu a awm ang,” tiin. 

Chu sawifiahna ṭawngkam chu a rapthlak ngei mai, mahse hremhmun chungchanga a hlauhawm lai ber chu i hria em? Hremhmun chu Pathian nena inmihranna a nihna chu a ni a, Pathian nihna hrang hrang letling thawk vek chu a ni.  

Bible chuan I Johana 4: 18 ah chuan hetiangin a sawi, “Hmangaihnaah hian hlauhna rêng a awm lo va, hmangaihna famkim chuan hlauhna zawng zawng a hnawt bo zâwk ṭhîn,” tiin. Hmangaihna letling chiah chu hlauhna a ni. Hmangaihna nei lova nun hman chu thih hlau reng rengin i awm ṭhin. Chu chu hremhmun a ni. 

Pathian chu hmangaihna a ni, hremhmunah chuan hmangaihna reng a awm lo. Pathian chu eng a ni, hremhmun chu hmun thim chhah tak a ni. Pathian chu a ṭha a, hremhmunah chuan thil ṭha reng a awm ve tawh lo. Pathian chu nunna hnar a ni a, hremhmunah chuan chatuana thihna a awm. Pathian chu khawngaihna a ni a, hremhmunah chuan khawngaihna reng a awm tawh lo.   

Chatuan hun Pathian hriatna tel lo leh amah aṭanga hmangaihna dawn miah loh chu engtiang chiah nge ni ang – chatuan nun hlimna reng awm tawh lohna chu. 

A rapthlak khawp ang – ngaihtuah thiam a har takzet a ni. Mahse chu chiah chu, Isua an damlaia thlang lo leh zui duh lotute chanvo chiah tur chu a ni. Bible chuan hetiangin a sawi, “Tu pawh, Lalpa hmangaih lo chu ânchhe dawngin awm rawh se. Lalpa chu a lo kal e,” tiin. [I Korinth 16: 22] 

I dam chhung hun tam zawk “Ka nuna awm turin Pathian chu ka duh lo” i ti a nih ngat chuan i chatuan hun pawh Pathian tel lova i hman ngei a ngai ang. He leia i duhthlanna ngei chu i chatuan chanvo tur a ni. 

Mahse, chanchin tha a awm! Hremhmunah ni lovin vanramah i kal ngei ngei dawn a ni tih hriat chian theih dan a awm. Bible chuan i hmalam hun chinfel dan a hria: “Chatuan nun in nei tih in hriat theih nân nangni Pathian Fapa hming ringtute hnênah hêng thu hi ka ziak a ni.” [1 John 5:13] 

Thil eng emaw lo thleng ngei tur emaw engtik hun pawha lo thleng thei chu i lo ngaih ruat vak a tul lo. Vawiin ah ngei hian i thih hun chuan vanramah i kai ngei ngei dawn a ni tih hriat lawk theih dan a awm a, Pathian ang chhungah chatuanin i awm dawn tih a hriat lawk theih. Nghak khawtlai zel tawh suh. 

Vawiin ngei hian i hmalam hun chingfel ang che. 

Ngaihtuah zui atan. 

Eng vangin nge mi tam tak chuan an thi thut thei a ni tih ngaihtuah lovin a nuna thutlukna pawimawh tak tak chu a pawh khawtlai fo? 

Vanram kai tlak khawpin tuten emaw an fel nia an inngaih thu an sawi chang chuan eng nge i lo sawi ve thin? 

I chatuan hun hmanna tur i hriat chian hnu chuan engtianga danglamin nge i nun tak ang? 

Isua chu i lo la ring lova, atan i la inhlan lo a nih chuan, engah nge i khawmuan kher ang? 

I sual chuan Pathian lak aṭangin a ṭhen hrang che. Pathian khawngaihna chauh chu Inlaichinna dik in neih leh theihna kawnga puitu che chu a ni. 

Bible chuan hetiang hian a sawi, “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni. Thil ṭha tih avângin a ni lo, chuti ni se miin an chhuang dah ang e,” tiin. [Ephesi 2: 8-9] 

Nangmah Siamtu nena inrema awm i duh chuan he ṭawngṭaina hmang hian inhlan ang che: 

“Duhtak Isu, ka sualte avanga nangma lak aṭanga mihran nih hi ka duh tawh lo. I thutiamah chuan nangmah ka ring che a nih chuan, ka thil lo tihsual tawh zawng zawngte chu ngaihdam a ni ang a, ka dam chhan awmzia ka hrefiah ang a, engtik niah emaw i vanramaha chuan chatuan atan min lo la lawm ang. 

Ka sualte avangin thupha ka chawi a, ka Tlantu i ni tih ka pawm a, nangmah chauh chu ka chatuan nunna kawng chu i ni e. Chhandamna chu khawngaihna vang, rinnain, mihring thawhchhuah ni lovin tia i sawi lai khan ka lo ring che. Ka nunah hian Lal atan ka lo lawm che a. Vawiin hian ka nun pumpui hi i hman atan ka rawn inhlan e. 

Min siam chhan ang taka nun ka duh a, ka dam chhung hun neih zawng zawng mahni rawng bawl lova i rawng bawlna atana hman ka duh e. Ka nun hi i kutah ka hlan a, min chhandam turin ka ngen che a, i chhungte zinga min lo pawm turin ka sawm a che. Isua hmingin ka dil e. Amen.” 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...