Friday, September 30, 2022

PATHIANIN CHATUAN HUN NANGMAH NENA HMAN A DUH

 Chatuan Nihphung 

By Rick Warren

— Sept 30, 2022 


“Mitthi zîng ata Isua kaithotu Thlarau chu nangmahnia a awm chuan, mitthi zîng ata Krista kaithotu chuan nangmahniah a thlarau chêntîrin, in taksa thi thei chu a tinung ang.” [Rom 8:11] 

Pathian chuan mihring nun chu a dik thlap dawn a ni tiin a sawi ngai lo. Vanram thung chu Pathian duh dana engkim tihna a ni a; he lei erawh hi chu chutiang chuan a awm ngai lo. Khawvel kehchhiaa khawsa ang deuh kan ni. 

Mahse khawvela kan thil tawn mekte hi mihring nun pumpui nihphung a ni chuang lo. 

Khawvelah hian kum 60, 80 emaw 100 emaw i hmang mai thei a. Mahse, kum maktaduai tam tak aia tam i chatuan hun tur chu a ni thung. Isuaa i rinna i nghat a nih chuan, Bible chuan, i chatuan hun chu Pathian nen vanramah i hmang dawn a ni tiin a sawi. 

Chu chu Ringtute kan lawmna chhan pawimawh ber pakhat a ni tur a ni – Pathian chuan, chatuan nunna min pe a ni! 

Chatuan hun chu a ropui viau ang. 

Bible chuan hetiang hian thu min tiam, “Mitthi zîng ata Isua kaithotu Thlarau chu nangmahnia a awm chuan, mitthi zîng ata Krista kaithotu chuan nangmahniah a thlarau chêntîrin, in taksa thi thei chu a tinung ang.” [Rom 8:11] 

Vanram chu engtiang nge a nih ang? I mi hmangaih takte nen inla intawkkhawm ang. Lawmman i la la ang a. I hna chanpual duhzawng tak pek i la ni bawk ang. 

Tichuan, Rom 8: 11-in a sawi ang chiah chuan taksa thar i la nei ang. Chu tak chu vanram ka thlakhlelh em em chhan pakhat chu a ni – taksa a ral tawh lo tur chu. 

Pathianin a siam chhan che chu, chhungte a duh vang a ni. Chatuan hun chu a chhungte nena hmang turin a duh hial. Chu thutak chuan lawmna nasa tak a pe ang che. 

Ngaihtuah zui atan. 

Chatuan hun nena khaikhin changa khawvel hun tawizia hriatna chuan engtin nge i nitin nun chu a thlak danglam ang?  

Pathian chuan vanrama a bula cheng turin a duh che a, he leiah hian eng vanga lo awm ngawt nge nia i hriat. 

I damchhan awmzia hriat fiah lehzual chu i lo tum tawh em? 

*Pathian chuan a chhungte zinga mi atan a duh che* 

Pathian chuan amah hmangaih turin a siam che a, chu chu i hmuh chianna ber chu kraws a ni. Isua thihna leh thawhlehnaah chuan, chatuan atana a chhungte zinga mi ni turin Pathian chuan hna a thawk. Eng ang thil pawh lo ti tawhin, khawi hmunah pawh lo awm tawh la, Pathian chatuan chhungte zingah chuan chanvo neiin an lo nghak mek che. Sawmna chu zau taka hawn a ni. Ring la chang mai rawh.  

I inpeih tawh em? He ṭawngṭaina hmang hian bul i ṭan thei ang: “Lalpa duhtak, ka thih hun chuan keimah chanchin ngei hi ka lo sawi dawn a ni tih ka hria a. I lakah thil ka tisual a ni tih ka hria a, ka duh dan anga nungin, i duh dan nilo zawnin ka nung ṭhin. Tun aṭang ngei hian chu chu thlak danglam ka duh e. Ka sual kalsan a, i lam lo pan ka duh e. 

“Ka sual zawng zawng aia Isua thi tura i rawn tirh avang khan hremna ka pumpelh ta a, lawmthu ka rawn sawi e. I ngaihdamna chu ka phu lo tih ka pawm a. I khawngaihna chauh chuan min chhandam thei tih ka hria e, Lalpa. Hmun famkima lut tur chuan ka ṭha tawk ngai dawn lo tih pawh ka hria. 

“Isu, min hmangaih em avangin ka sualte i phur a, lawmthu ka hrilh a che. Vanram kai tlaka min siam a, min chhandam turin i khawngaihna ka rawn ngen e. Ka ring che, Isu. I thutiam ang takin min chhandam nghal dawn tih ka hria, chiang takin, ka pumin, chatuan atan. Isua hmingin ka dil e. Amen.” 

Isua hminga i ṭawngṭai zo chiah a nih chuan, he email Rick@PastorRich.com ah hian min lo hriattir ang che. Isua nena in zin kawng atana thuziak pawimawh a thlawna lo thawn che ka duh e. 

[*Lettu*: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...