Saturday, September 3, 2022

KOHHRAN CHHUNGKUA NEIH HI ENG NGE A ṬULNA

 Kohna mila nun: Engvangin nge khawvelah hian ka lo pian ve?

Rick Warren

Sept 3, 2022

"In inhmangaih chuan mi zawng zawngin ka zirtirte in ni tih chu miah chuan an hria ang,” a ti a," Johana 13:35.

Bible chuan Kristian kohhran ngheng lo chu taksa peng taksa nei si lo, beram rual zinga tel lo beram emaw chhungkaw nei lo naupang angin a sawi a. Thil nih dan tur a ni lo a ni. Ephesi 2:19 chuan, "Mi thianghlimte nen chuan tualkhat leh Pathian chhungte in ni ta zawk a ni" min ti a ni.

Tunlai khawvela mahni a din leh maltlat nun inzirtirna hian thlarau lamah fahrah a siam tam hle a- "sazupui ang ringtu", kohhran hrang hranga zuang lawr a, nihna te, rintlakna leh inpekna tak tak an tlachham thin. Mi tam tak chuan kohhran zawm lo leh inkhawm lo hian ringtu tha tak a nih theihin an ring a. Mahse Pathian pawm loh zawng tak a ni. 

Kohhran hi a pawimawh lutuk a, Krista khan krossah a thih phah hial a ni : "Kristan kohhranho a hmangaih a, an aia mahni a inpe ang khan" (Eph 5:25).

Eng emaw bik tlemteah khawvel pumpui a ringtu sawina atan Kohhran hi hman a ni tih lo vah chuan, kohhran tih reng reng hi tualchhung kohhran, ringtu pungkhawm sawina atan Bible pawhin a hmang zel a. Thuthlung Thar bu chuan ringtu chu an tualchhung kohhran zinga mi ni turah a dah hmiah a ni.

Krista hi i zui a nih chuan, zirtir pawl eng emawah i tel a tul a. Kohhran chhungkua chuan ringtu dik takah a tilang che a. Isua pawhin, "In inhmangaih chuan mi zawng zawngin ka zirtirte in ni tih chu miah chuan an hria ang,” a ti a ni.

Kohhrana i inpekna chuan ringtu i nihna a tilang a - ringtu i nih angin a tichak bawk thin ang che. Kohhrana i tel chuan, fuih phurna te, intihchakna te ringtu dangte atang pawhin i dawng fovang a. An hnenah fuihna leh tihchakna i pe fo bawk ang.

Chawlhkar nuam tak i hmang a, inkhawm pawh tul vak lo vin i ngai a ni maithei a. Mahse i tel loh chuan, i tihchakna mamawhtute khan engtin nge an dawn tak ang? Mi thenkhat beidawna ruama awm mek tan chuan i nui hmel ngawt emaw fuihna thumal khat lek pawh khan danglamna nasa tak a thlen thei a sin. Chu chu kohhran awmzia chu a ni.

Hei hi thudik tak a ni: kristiante chuan thanglian turin an inmamawh tawn tih hi. Mi tam tak chuan thlaraua thanlenna hi mimal thil em em niin an ngai a, mahse Pathian chuan ringtute chu a huhova an rinna nunpui turin a ko a ni. Mahni mai chuan rinna chak tak i nei tak tak thei ngei lovang.

Dinhmun hrang hrang,  hnam hrang hrang, khawtlanga nihna hrang hrang nei hmangaihna nen an lo kalkhawm hian, khawvel hmaah Krista thuhretu an ni thin a. Galatia 3:28 chuan, "Kristaah chuan inzain pumkhat in ni si a" a tih ang khan.

Ngaihtuah zui atan...

Tualchhung kohhran a tel eng nge a tulna?

A nun hlui avanga lo na tawh emaw beidawng tawh kohhran a tel duh lo tawng ta la, engtiangin nge i chhan ang?

Tunkar atan engtiangin nge i thinlung kha kohhran pualin i lo buatsaih lawk theih ang le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...