Kohna mila nun: Engvangin nge khawvelah hian ka lo pian ve?
- Rick Warren
- September 11, 2022
"Kristaah a ni tunge kan niha tu tana nung nge kan ni tih kan hmuh . . . engkimah leh mi zawng zawng chunga a hnathawh a lan chhanna bul ber chu" (Ephesi 1:11-12, The Message)
Mark Twain-a chuan i nuna ni pawimawh ber pahnihte chu i pian ni leh chu i pian chhan i hriatchhuah ni chu a ni tiin a sawi.
Pathianin engkim mai hi chhan neiin a siam a. Thing kung zawng zawng hian dam chhan an nei. Arsi te khian awm chhan an nei. Ramsa zawng zawngte hi chhan neia awm an ni. I lung a phu a nih phawt chuan i nunah Pathianin tum a nei a ni mai. Khatia i dam khan i nun kha awmzia a neih tir a ni.
I dam chhan i hriat duh chuan mahni inṭanpuina ang chi lehkhabuah i hmu lovang a, TV-ah emaw movie-ah emaw i hmu hek lovang. Mahniah i inhmu thei bawk lovang, a chhan chu mahnia lo awm/insiam i ni lova, Pathian siam i ni.
Nangmah siamtu che- Pathain chauhin a siam chhan che a hrilh thei che.
Ephesi 1:11-12 ah chuan heti hian kan hmu, "Kristaah a ni tunge kan niha tu tana nung nge kan ni tih kan hmuh . . . engkimah leh mi zawng zawng chunga a hnathawh a lan chhanna bul ber chu." (The Message)
Pathian siam i ni a; a tana siam i ni. Chu chu i hriatthiam hma loh chuan i nunin awmzia a nei lovang.
Bible chuan chatuan daih tura siam i ni a ti. Engtikah emaw chuan i lungphu a chawl ve ang. Chu chu i lei taksa tan hun tawp a ni ang, mahse i tawpna tur a ni hauh lo. Pathianin i nunna atan ruahmanna thui tak daih a siam a. Chatuana nung turin a duh che a ni.
I thih hma aiin i thih hnu lamah hun i hmang rei zawk dawn. He leiah hian kum 80 emaw kum 100 emaw i dam thleng a ni thei, mahse thih hnu piah lam erawh chu chatuan atan a ni.
Bible chuan vanrama lut tura i la inpeih loh thu a sawi a. Thil eng emaw i zir hmasak a ngai a ni. He leia kan nun hi chatuan hmun atana kan inbuatsaihna a ni - a chhan chu thih hnu piah ramah chuan chatuana kan chen tawh dawn avangin.
Nidangah kan zirho leh turah chuan Pathianin he leia ti tura a duh che thil panga ka rawn tarlang ang. Kan zir leh tur zirlai pangate hi kan zir tawh zinga i tana pawimawh ber an nih ngei ka ring.
"Engah nge ka lo awm ve?" tih hi hringnuna zawhna pawimawh ber a ni. Kan zir leh tur pangate hian he zawhna chhang tur hian a pui ang che.
Ngaihtuah zui atan.
"Hetah hian engvangin nge ka awm?" tih zawhna hi engin nge i tan a pawimawhzia lantir?
"Hetah hian engvangin nge ka awm?" tih zawhna hi engtinnge chhan i lo tum ve tawh? Tu hnenah nge puihna i dila engte nge i rawn tawh? Eng ang takin nge chhanna i hmuh?
I lam hnaiteah tunge an tana Pathian thiltum zirchian mamawh zual ni a i hriat? Anni nena in thil zirhote midangte hrilh turin engnge tih theih i neih?
[Lettu: Mapuia Fanai]

No comments:
Post a Comment