Friday, July 22, 2022

NAKTUK ATAN SUM KHAWL LA, VAWIINAH TLAK RAL VEK SUH

 Sum leh Paia Intodelh

By Rick Warren

— July 22, 2022 



“Mi fing inah chuan sum leh pai hlu tak tak a awm ṭeuh va, Mi â-te erawh chuan an ei zo zêl.” [Thufingte 21: 20] 

John D. Rockefeller-a kha a hun laia pa hausa ber ni ṭhinin, miten a hausakna chhan thuruk an zawt fo ṭhin. A chhanna an chhinchhiah dan chuan kai-da 10-10-80 a hmang niin an sawi. Mite hnena a sawi dan chuan, a sum deh chhuah zaa 10 chu a sem chhuak zel a; zaa 10 chu a khawlkhawm a; zaa 80 hmang chuan a khawsa ṭhin niin an sawi. 

Thufingte 21: 20 chuan hetiang hian a sawi, “Mi fing inah chuan sum leh pai hlu tak tak a awm ṭeuh va, Mi â-te erawh chuan an ei zo zêl,” tiin. 

Sum khawlkhawm hi, Pathianin a mite sum chungchanga a fiahna kawng khat a ni. A thilpekah i rinawm leh rinawm loh a fiahna a ni. Hmalam hun atan tunah khan i khawl a nih chuan i fing tihna a ni a. Engmah i khawl lo a nih thung chuan i fing lo tihna a ni. Pathian chuan sawma pakhat pe turin a duh che, ( I kohhran lawina kaltlangin i thawhchhuah sawma pakhat pe turin ) tin hmalam hun atana khawl turin a duh che.  

I thawhchhuah zaa 80 kha intunnun nan a tawk lo niin i ngai a ni thei, mahse chu chu i khawpkham  lo a nih chuan, i neih phak bakin i khawsa tihna a ni. I sum chu ṭha takin i vawng lo tihna a ni a, i neih aia tam i hmang tihna a ni. Hei hi hre rawh, Pathian chuan i sum hmangin a fiah ṭhin che. Pathian chuan i sum chungchanga mi rinawm anga a hmuh che i duh em? 

Kai-da 10-10-80 chu vawiina mite tih dan tlanglawn letling chiah a ni. Tunlai kalphungah chuan, I bill zawng zawng tlak turin a hrilh che, mahse, chutianga i tih chuan sawma pakhat thawh tur leh sum khawl tur i nei lo hial thei. Pathian chuan hetiang hian a sawi, “Min pe hmasa rawh, nangmah kha erawh chu a pahnihnaah inpe rawh (Sum khawl], chumi hnu chuan i bill te chu i tlak chauh dawn nia,” tiin. Chutianga indawt chu Pathianin mal a sawm ṭhin dan a ni – chutianga indawta i sum enkawl tur chuan Pathian chuan a duh che a ni. 

Engmah i khawl lo a nih chuan, “vawiinah tlak ral ang aw” tihna thinlung i nei a ni. Chutiang ngaihtuahna chuan “Tunah ka nei a, ka hmang nghal dawn. Naktuk lam chu theihnghilh ang!” tihna a ni. 

Pathian chuan, naktuk chauh ngaihtuah turin a duh lo che. Naktuk lo thleng tur atana inbuatsaih turin a duh che a, tichuan ti tura a duh che chu i ti thei ang. 

Naktuka awmze nei taka nung turin, vawiina i itzawng kalsan chu a fin thlak viau ang. A tih pawh i ti thei mai ang. I Sum khawl chu thlarau thil a ni a, Pathian chuan a khawngaihna in, i mamawh tak rahbi harsa dai tur chu a pe ang che. 

Vawiin chauh ngaihtuahin nung suh. Naktuk atana sum khawl tur chuan zir ngai ang ang chu zir chhuak ang che. Chu chu Pathian hnathawh dan pawh a ni. 

Pathian ruahmanna chu i ngaihthah a nih chuan, leiba i dil tihna ang vel a ni. Pathian duh dan anga i che a nih chuan muanna i nei ang. 

Ngaihtuah zui atan. 

I sum thawhchhuah ṭhenkhat khawl thei lo turin engin nge tibuai che? 

Eng ang kawngah “vawiin chu tlakral vek teh ang” tihna thinlung chu i neih ve? 

Sawma pakhat i pek avangin eng tiangin nge Pathian chuan a lo chawimawi ve tawh che? 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...