- Rick Warren
- June 12, 2022
"Mahni ṭhatna tûr chauh zawng lovin, mi dang ṭhatna tûr pawh zawng rawh u." (Philippi 2:4)
Mi awmkhawmna hmuna i luhin, an phone khawiha _social media_ lo khawih emaw mi lo be kual vel emaw engzat nge i hmuh? Video en leh game-te khelin kan kun ngur hlawm ṭhin a, kan benghnawhna (earphone) hmanga kan thil ngaihthlakte chuan kan bula mite ṭawng hre thei lovin min siam fo ṭhin. Kan ṭhiante nen thingpui dawra ṭhutho lai reng pawhin anni ai chuan _Facebook_' _Twitter_ leh _Instagram_ vela kan ṭhiante ngaih pawimawh zawk hlauhte pawh hi thil awlsam tak a ni.
Ṭhian kawm reng chung siin _Twitter_-a i thil tweet mi engzatin nge _retweet_ a mi engzat in nge _like_ tih i ngai pawimawh zawk fo ṭhin. Pathianin ṭhian ṭha tak a pek che ai khan nangmah i inngai pawimawh zawk fo ṭhin a lo ni.
Kan hmanrua siam chhuahte leh changkannaten min tihbuai rengna leh kan rilru pawh midangte ngaihsak thei tawh lo khawpa min siamna khawvelah kan cheng mek a nih hi.
Inlaichinna hlimawm zawk neih i duh chuan, midang ngaihsakna i hloh tak kha i neih let leh a ngai.
Kan Bible chuan, "Mahni ṭhatna tûr chauh zawng lovin, mi dang ṭhatna tûr pawh zawng rawh u" tiin min hrilh (Philipi 2:4).
Chu chu amahin a rawn awm tawp lo a ni tiraw? Miten engnge an ngaihsak a an tui zawng tih ngai pawimawh mi i ni lo thei. I nih danah reng midangte ngaihsak ai chuan miten min ngaihsak se tih kha i duh zawk fo ṭhin.
Mahse, midangte hnêna i pek theih ropui ber chu i ngaihsakna kha a ni - a chhan chu, i ngaihsak khan i hun i pe tihna a ni a, i hun i pek chuan i nunna i pe tihna a ni. I hun chu a koh kir leh thei tawh loh, chuvang tak chuan a ni midangte ngaihsak nana i hun i pek kha a hlut em em chu ni.
Hei hi inlaichinna nghet tak nei tura hmanraw ho lam tak mahse hlu em em chu a ni. I fate ngainatzawng kha i ngainatpui ve em? I kawppuiin a sawi duhte i ngaihthlaksak ṭhin em? I thawhpuiten an biak che in i lo ngaihsak ṭhin em? I ṭhenawmte in bula i kal khan engnge an tih i ngaihsak ṭhin em?
Midangte ngaihsak theihna i lo hloh tawh neih let leh i zirna kha hmangaihna lanchhuah tirna a ni. Chu chuan in inlaichinna a siamṭhain nun hlim tak i neih theih nan a pui ang che.
Ngaihtuah zui atan.
Heng _social media_ te hian engtinnge i chenpuite leh thawhpuite nena in inlaichinna ṭhanlenna kawng a dal?
Engtinnge mite thusawi emaw thiltih emaw i ngaihsak a ni tih i lantir?
Mite i ngaihsak leh zual zawkna turin engtinnge kawng khatin i nunah danglamna i siam ang?
[Lettu: Mapuia Fanai]

No comments:
Post a Comment