Monday, June 13, 2022

HLIMNA HI INREMNA LEH INNGAIHTLAWMNA AṬANGA LO CHHUAK A NI

- Rick Warren 

- June 13, 2022



"Ani zawngin Pathian anga awma Pathian tluka awm chu thil thlakhlelh hleih theihah a ruat lo va, mihringte anga lo piangin, bawih angah a insiam a, amah leh amah a intitlawm ta zawk a. Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu." (Philippi 2:6-8)

Hlimna chu inremna aṭanga lo chhuak a ni a, inremna chu inngaihtlawmna aṭanga lo chhuak a ni. Mi Inngaitlawm tak i nih duh chuan he zawhna hi inzawt fo ṭhin rawh, "Isua ni se engtin nge a tih ang?" tih hi.

Isua nise he harsatna engtin nge a hmachhawn ang? Hliam a awmte chungah Isuan engnge a tih ang? Office-ah Isuan engnge a tih ang? Golf khelhna hmuhah te? In inneihnaah te?

He zawhna hi inzawt la, harsatna te, chauhna te, khaknate leh hawisannate aiah inremna leh hlimna lo thlentu chhanna i hmu ṭhin ang.

Isua anga awm kan tih chu engnge a awmzia ni ta ang? Philippi khuaa Tirhkoh Paula lehkhathawn aṭang hian entirna pathum kan hmu thei:

*Phu nia i inhriat kha phut kher suh*

"Ani zawngin Pathian anga awma Pathian tluka awm chu thil thlakhlelh hleih theihah a ruat lo va" (Philippi 2:6)

I dikna leh chanvo kha eng emaw avang maia hnualsuat nghal ngawt kha thil nihphung tur a nih lohzia i hrethiam em? Ni e, dikna chu i nei alawm, mahse i dikna phut chhuak kher lova i mamawh hmuh dan kawng a awm a ni. Tlawm/inpe si lovin i inphahhnuai thei, phut lovin hriatthiamna i nei thei bawk. 

*Rawng i bawl theihna tur ngaihtuah rawh.*

"Mihringte anga lo piangin, bawih angah a insiam a, amah leh amah a intitlawm ta zawk a."(Philippi 2:7) 

Isua an i duh chuan rawngbawl i zir a ngai. Rawngbawl hi chin ṭhana neih theih thil a ni. Tin, rawngbawlna hi lian takin a inṭan lova, te tham takin bul a inṭan ṭhin. Pathianin nitinin thil te taktê chungah i  inngaihtlawm theihna nun a fiah ṭhin a, tichuan thil lian tak chungah a lo lang chhuak ta ṭhin a ni. Hun harsa tak karah nungchang hi pholan a ni ṭhin a, nitin hian thil holam tak anga langah a inṭan ṭhin, chawhmeh zawrhna hmuna kan hmanraw hman dan ang aṭangte hian.

*Na pawh nise thil dik chu ti zel rawh.*

"Thi khawp hiala thu zawmin a lo awm ta a, kraws-a thihna ngei chu." (Philippi 2:8)

Hei hi Isua anga thiltih tih awmzia chu a ni. Na a tawrh lai mek pawhin Isua khan engnge  a tih? A tawrhnaah khan a phu tawk anga tawrh pawh a sawi lo, a hrethiam em em mai zawk a ni.

Isua hi inngaitlawmna entirna ṭha ber a ni a, lei leh vanah hian Pathianin chawimawina sang ber a pe a. Isua hnung i zui khan Pathianin tlawmna nun i neih lai khan a chawimawi che a ni.

Ngaihtuah zui atan.

Engkawngtein nge "tlawm si lova fimkhur taka nun" i theih ang, emaw "phutna nun nei lova hritthiamna nun i neih ang?"

I nunah emaw midang nunah emaw Pathianin tlawmna nun a chawimawi i hmu tawh em?

Vawiin hian koh chawp ngai miah lovin engtinnge midangte i puih theih ang?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...