Friday, June 10, 2022

HLIMNA NEI TURIN, I NUN KALSAN RAWH

By Rick Warren

— June 10, 2022



“Keia tân zawng nun hi Krista a ni si a, thih pawh hlâwkna a ni.”

[Philippi 1:21]

Hlimna chu mite rawngbawlsakna leh mahni inkalsanna nunah a awm ṭhin. Chu chu i hriatthiam hma chuan hlim tumin i nung ngar ngar ang a. Hlimna chu mahni inhlanna, mahni invurna ni lovah, a awm ṭhin.

Tirhkoh Paula kha a hlim theih chhan chu a nuna hun thim ber laiah pawh, midang tan a nun a hlan fan fan ṭhin vang a ni.

Chu chu i nunah a dik ve em? Chutiang chuan i sawi ve thei ngai lo vang nangmah tana i nun chhung chuan, a chhan chu nihna emaw hlawhah emaw mipat hmeichhiatnaah emaw hlimna tak tak i hmu thei lo.

Paula khan hlimna nei tur chuan a harsatna thlir lovin a damchhan leh nun awmzia chu a thlir tlat vang a ni. A damchhan chu hetiang hian Philipi 1: 21 khan a khaikhawm a ni: “Keia tân zawng nun hi Krista a ni si a, thih pawh hlâwkna a ni,” tiin.

A kar awl dah khah tur ni ta se eng ang ṭawngkam nge i hman ang? “Kei atan zawng nun hi _______” a ni. Intihhlimna lam a ni ang em? Infiamna, incheina, chhungkua? ṭhiante? eizawnna? Thil ṭha lo ni si lovin khing a kar awl laite khi i hnawhkhat thei ang, Thil ṭhenkhat anmahni tan leh anmahni bil atana ṭha te chu. Mahse nangmah siam a, nunna petu che ang chu an awm thei lo thung ang: Isua Krista chu.

Khi a kar awl i hnawhkhah dan khian i nunah engtianga hlim nge i ni tih a tarlang ang. I chhanna chu “sum” emaw “hlawhtlinna” emaw “nawmchenna” emaw “thuneihna” emaw an nih chuan i nun pumpui deuh thaw chu hlim lohna atan i hmang ang a. A awmzia berah chuan chung thilte chu anmahni mai chuan an dik lo hran lo; dinhmun pawimawh ber kha an phu lo tihna mai chauh zawk a ni.

Sum tuak tura siam i ni miah lo, i thi ang a, i la kalsan tho tho dawn. Pathian chuan chu aia ropui fe chu i tan ruahman lawkna a nei a ni.

Nun hlimna neihna kawng chu pakhat chauh a awm: Kristaa nun a ni.

I nun kha i ngaihlu tak zet a nih chuan kalsan ang che.

Ngaihtuah zui atan.

Thil ṭhenkhat i lo buaipui ve chiam tawh si, damchhung nun atana thil pawimawh ber ni si lote chu engnge ni?

Engtin nge midangte i tanpuina chuan hun harsa leh khirh i kaltlang laiin a ṭanpui ang che?

Vawiina mite i tanpuina kawngah “Mahni nun kalsan” tih awmzia chu engtiang chiahin nge vawiin hian i nunpui ang?

Isua Krista tana i nun i lo la hawng ngai lo a nih chuan amah nena inlaichinna neituten kawng dik an hriat theihna leh lawmna an chan ang chu i chang ve thei ngai lo vang.

Naktukah eng nge thleng dawn i hre miah lo. I hmalam hunin eng kawng nge a hruai dawn che tih pawh i hre lawk lo. Nangmah Siamtu nena inlaichinna in nei thei a nih chuan chu hmangaihna nghing ngai lo leh inlaichinna pawh ṭhen theih loh chu i lo nei tawh ang.

Isua nena Inlaichinna thuk, chatuan daih neih i duh chuan hetiang hian ṭawngṭai ang che: “Lalpa duh tak, ka nun himna hi midang ten ka lak aṭanga an lak mai theiha a awm ka duh lo. Ka himna chu nangmah nena kan inlaichinnaa innghat ni sela, i thutiama min kalsan ngai loh tur thu min pek lawk ang khan. Keimah lamin ka hriat thiam dan ang angin Isua Krista tan ka thinlung kawngkhar ka hawng e. Ka nun hi keima tan mai leh ka duh danin ka lo nung ngar ngar tawh a ni tih ka pawm bawk. Khawngaih takin min ngaidam rawh, ka nunah hian lo cheng la, ka ngaihhlut zawng, ka duh zawng, ka damchhan, leh ka kalkawng te hruai ang che. I hmaa ka nun ka hlan mek lai hian nungmahin i duh dan takin min tung ding ang che. Isua hmingin ka dil e. Amen.”

He ṭawngṭaina hi i hlan thei a nih chuan, he mailah hian

Rick@PastorRick.com min lo bia ang che. Isua nena inzin kawng atana thuziak pawimawh tak tak lo thawn che ka duh a ni.

[ Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...