_Hun Harsa Atana Ruahmanna_
- Rick Warren
- October 17, 2026
_"Thil engkim tih a thiang a; nimahsela, thil engkim tih a ṭha kher lo. Thil engkim tih a thiang a; nimahsela, thil engkim tihin mi a siam ṭha lo."_ (1 Kor. 10:23)
Ka kum a tam telh telh a thil thlan fel thiam a hlutna ka hrechiang telh telh. Duhthlan tur leh hamṭhatna tam tak a awm reng ang. Mahse a sawtna tur atana pawimawh ber chu thlan fel thiam kha a ni.
Bible chuan 1 Korinth 10:23-ah heti hian min hrilh, _"Thil engkim tih a thiang a; nimahsela, thil engkim tih a ṭha kher lo. Thil engkim tih a thiang a; nimahsela, thil engkim tihin mi a siam ṭha lo."_
Heti hian kan sawi thei bawk, thil ṭhenkhat chu an ṭha lo pawh a ni lo - mahse an ṭangkai lo. Chu chu i hriatthiam hunah chuan hringnuna hun harsa lai hmachhawn tura thuam i ni ang. Hun harsa hmachhawn thiamna chuan nun tlo a pe ang che.
Pathian kohna lamah i kal chuan thil ho te tein i rilru a lak penna lakah a veng ang che. Chatuan daih tur thilah te i rilru i dah thei ang a. Hringnuna thil pawimawh ber i hre chhuak ang a, thil ṭha satliah ni lovin thil ṭha ber i thlang ang.
Isua kha fimkhut taka thil ngaihtuahna lamah a sang hle, thil a thliar hrang thiam tihna a ni. Hei hian Pathian ram tana nun kawngah leh Pa duhzawng tih kawngah a pui hle.
The Living Bible chuan heti hian a letling, _"Vanrama a let leh a hnaih tawh avangin ani (Isua) chu rilru khauh tak pu chungin Jerusalem panin muang changin a kal a"_ (Luka 9:51).
Rilru khauh tak puin a rawn kal chhan a tipuitling a ni- thihna hial a thlen dawn tih hre reng chungin. A rilru sawr bingna chuan na leh beidawnna leh tihduhdahna a paltlngtir a ni. Paula pawh khan khatiang kawng kha a rawn zawh ve bawk. Heti hian a ti, _"Heti hian ka ti ṭhin"_ (Philippi 3:13), "heng thil 40 te hi ka ti mai mai" ti lovin. Thil pakhat chauh a ti - thil pawimawh ber chauh.
Pathianin a hman theih tur theihna sang tak i nei, mahse harsatna chu engnge pawimawh ber tih i tichiang lo kha a ni. Pathian rawngbawl hman lo anga i inngaih chuan i thlir chiang tawk lo tihna a ni. Pathian hrechiang tura hun hmang lova social media lama hun i hman tam zawk chuan i thlir chiang lo a ni. Isua zui hmaa thil dang tih tur i neih chuan i thlir chiang lo a ni.
The Living Bible chuan heti hian a letling, _"Tupawh a tana ka remruat anga nung lova thil dangin a rilru a lak pen chuan Pathian ram mi ni tlak a ni lo ve."_ (Luka 9:6)
Engtik niah emaw chuan Pathian hmaah i la ding dawn. Pathianin thilpek a pek che kha engtinnge i hman ti a a zawh hun chein engtinnge i chhan ang?
Ngaihtuah zui atan.
Thlir bik neiin i nung em? I chhanna kha engtinnge i nunin a chhan?
Thil pawimawh ber i thlir lohna turin engin nge dal che (thil ṭha anga lang pawhin a dal thei che) ?
Engtinnge Pathianin i tana ṭhe ber tur i hriat nan turin a inpuan?
*Isua chungchangah engnge i thlan dawn le?*
Bible chuan Pathian Fapa, Isua kaltlang chauhin vanram i luh theih thu min hrilh. Vanram hi i thawh chhuah theih a ni lo: _"Rinna avânga khawngaihnaa chhandam in ni si a; nangmahni thawh chhuah a ni lo va, Pathian thilpêk a ni; 9thiltih avâng a ni lo ve; chuti lo chuan, miin an chhuang dah ang e."_ (Ephesi 2:8-9)
Isua hnena inpe tura i inpeih chuan heti hian ṭawngṭai rawh le:
"Lalpa, i Fapa Isua Krista ka rin chuan ka thil tihsual te ngaihdam a ni ang tiin min tiam a. Min siam chhan ka zir ang a, engtik niah emaw i chatuan inah min la pawm ngei ang.
"Thil ka tisual tih ka pawm a, i ngaihdamna ka dil e. Ka sual lak bo anih theih nan Isua ka tan a thi a, nangin i kai tho leh a ni tih ka ring. Vawiin aṭang hian Isua chu Chhandamtuah pawmin a hnung zui ka duh e. Min hruai la i duhzawng anga nung turin min pui ang che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]
No comments:
Post a Comment