_Hun Harsa Atana Ruahmanna_
October 15, 2026
“ _Khawvêl êng in ni e. Tlâng chhîpa khaw awm chu thuhrûk theih a ni lo_ .” [Matthaia 5:14]
I nihna kha i hre chiang lo a nih chuan mi ṭhenkhat tihluihna emaw, buaina emaw, i bula mite khawsak dan emaw chuan an tibuai fo vang che a – chu chuan harsatna an siam ang che!
Kan khawtlang/hnam nun hian a duh dan anga awmtir che a tum fo che. Nihna chiang lo leh fiah lo i nei a, i nihna tak tak i hre lo a nih chuan chutiang thil inthlakthleng velah chuan an tibuai fo ang che. Pathian chuan tawpintai nei lovin a hmangaih che a, a fa i ni tih chu i thinlung lamah chuan i chiang bal a nih loh chuan i buai fo a ngai ang.
Isua khan a nihna tak kha a inringhlel ngai lo. Dik tak chuan, a nihna kha Pathian Thuah chuan vawi 18 lai a tarlang zawk a ni. Chu chu “ _Keima chanchin_ ” tiin an sawi ṭhin. “ _Kei khawvêl êng ka ni_ ” [John 8: 12]. “ _Pathian Fapa ka ni_ ” [Johana 10: 36]. “ _Keimah hi kawng leh thutak leh nunna chu ka ni_ ” [Johana 14: 6]. “ _Kei hi nunna chhang chu ka ni_ ” [Johana 6: 35]. Isua khan a nihna kha chiang takin a hria a ni.
Johana 8: 18 ah chuan Isuan, “Kei hi mahni thu hriattîrtu ka ni” tiin a sawi a. A nihna sawisak turin midang a mamawh ve hauh lo. Miten an pawm theihna turin midang a en ve lem lo bawk.
Mite pawmpuina i thil tihah chuan i mamawh a nih chuan buaina tuar thei deuh i ni ngai lo vang. I nihna kha i hre lo a nih chuan, i nihna chu midangin an sawisak thung ang che. An duh dan anga chei che an tum ang a, i nihna lo tawp nihtir che an tumna lamah chuan an tichau der ang che. I nihna lo pui nih tum chuan nangmah ngei pawh i la chau der ang a. I awngrawp hlauh ni pawh a awm hial ang!
Isua khan khawvêl êng a ni tih a inhria. Amah zuitute chu, “ _Khawvêl êng in ni e. Tlâng chhîpa khaw awm chu thuhrûk theih a ni lo_ ,” tiin a hrilh a nih kha [Matthaia 5: 14]. Amah i zui chuan a eng chu midang tan i lan chhuahtir a ni. Eng tiang taka hlu nge i nih i inhria em? Miten an sawi avang chu ni lovin Pathianin a sawi vang chu a ni. Khawvelah nangmah ang kha tumah an awm lo.
I nihna tak tak kha nangmah pawhin i inpawm a ngai – i chakna leh i chak lohna lai zawng zawngte chu. Chutiang zawng zawng nen chuan Pathian chuan a siam che a, a duh dan hlen chhuak tura i mamawh zawng zawng zawng chu a pe che a ni.
Chu chu i pawm a nih chuan i nihnaah chuan i hahdam ang a, i buai lo sawt bawk ang.
Ngaihtuah zui atan.
• Pathian fa nih chu engnge a awmzia? Engnge a hlawkna? Eng nge i beiseina?
• I chakna ni mai lova, i chak lohna lai chu engah nge i pawm ngai?
• Pathianin i chanchin a sawi dan ni lova miten i chanchin an sawi dan zawka i nihna i behchhan zawk chang chu han ngaihtuah teh. Engtiangin nge an nghawng che?
[ *Lettu* : Peka]
No comments:
Post a Comment