_Hun Harsa Atana Ruahmanna_
- Rick Warren
- October 11, 2026
_"Ka hnenah lokal ula keiman ka chawlhtir ang che u."_ (Matthaia 11:28)
Isuan, _"Ka hnenah lokal ula keiman ka chawlhtir ang che u"_ (Matthaia 11:28) a tih hian eng chawlhna nge a sawi ni ang le?
Isuan i thinlung tana chawlhna a pek tur che hi taksa chawlh hahdamna aia thuk zawk a ni - a chhan chu tuna harsatna i tawh mek kha i tha i hman chhuah nasat avanga lo thleng a ni lo tih a hre tlat.
I nun ruak riaua i hriat laia Isua hnen i pan khan a nihna takah chuan rilru, thinlung leh thlarau tawt up up i nei zawk a ni. Taksa thawhrimna lak atan chawlh i mamawh a ni ngawt lo, rilru hahna, nawrna leh manganna lak ata chawlh hahdam i mamawh a ni. Hahchawlhmaa, rei lo te mut zawk emaw zin thawvennain a chhawk ve theih loh ang chi hahdamna i mamawh.
Mi tam tak chuan rilru leh thlaraua an chauh laia an intuaithar leh dan ang ni miah lovin an taksa a hah laia.intuaithar dan hrang hlak an nei. I taksa a chauh laiin movie i en emaw i phone i khawih emaw a ni mai thei. I mu emaw kein i kal mai mai emaw ni thei. I ṭhiante nena inkawmho i duh a ni mai thei, mahnia awm i thlang zawk pawh a ni thei tho.
Chung zawng zawng chu thil ṭha ni - mahse engmah khian i thlarau a tidam thei lo.
Pathian chauhin i thinlung a tidam thei. Chuvang chuan i thlarau nun a ruak emaw, a beidawng emaw, a rit lutuk emaw anih chuan Isuan a hnen i pan a duh a ni.
The Living Bible chuan heti hian a letling, _"Chaute leh sawr fea awm tawhte hnenah chuan thiltihtheihna a pe a, chak lote hnenah chakna a pe bawk a"_ (Isaia 40:29).
I chhungril nun a ruah viau laiin kan nunphung chuan i thawh a ngai a ni tiin min zirtir. Sum tam zawk i thawh chhuah a, thil tam zawk i neih a, thil tam zawk i tih a, hmun zau zawk i tlawh a ngai tiin. Kal rawh, kal rawh. Neih belh rawh, neih belh rawh. Mahse chu chu i nun a ruah chhan ber a ni zawk si!
Isua chuan chumi kalh chiaha ti turin a duh che: Kal suh. Lokal rawh. A hnen pan rawh - i awm ang khan a hnen pan rawh.
He khawvelin a pek theih che eng chungah mah hian i thlarauin chawlhna a hmu ngai lovang. S chhan chu i thlarau kha he khawvel thil engmah hian hnawh khah tura siam a ni tlat lo.
Pathian tana siam i ni a, i thinlung chau a hnen i thlen chauh khan hahdam tak tak i hmu ang.
Ngaihtuah zui atan.
Muangchanga i hahdam khan i inthiam lo ngai em? Hetiang anga i awm hian engnge i inhrilh nawn ṭhin ang?
Engtinnge i chauhna kha i taksa mai ni lo i rilru aṭanga lo chhuak a ni tih i hriat ang?
Isuan i rilru a tihdam khan engti turin nge thiltihtheihna peka thuam i nih ni a i hriat?
[Lettu: Mapuia Fanai]
No comments:
Post a Comment