_Keimahni Kan Ni E_
- Rick Warren
- October 25, 2026
_"Ka tihtur hlen ka duh mai chauh a ni, Lalpa Isuan hna min pek, Pathian khawngaihna Chanchin Ṭha hril tura min kohna hi."_ (Tirhkohte Thiltih 20:24, GNT)
Pathianin thil pawimawh panga ti turin he khawvelah hian a dah che. Amah i hriata i hmangaih a duh a, midangte i hmangaih a duh a, thlarau nuna i ṭhan len a, midangte tana rawngbawlna kaltlanga a rawng i bawl a duh a ni. Dam chhan pangana - vawiina kan zir tur chu - midangte hnena Pathian Chanchin Ṭha tlangaupui hi a ni.
Tirhkoh Paula khan heti hian a sawi, _"Ka tihtur hlen ka duh mai chauh a ni, Lalpa Isuan hna min pek, Pathian khawngaihna Chanchin Ṭha hril tura min kohna hi."_ (Tirhkohte Thiltih 20:24, GNT)
Isua khan Paula kha eng hna nge a pek le? Mi zawng zawng hnena "Pathian khawngaihna chanchin ṭha hrilh" kha a ni. Kha kha khawvela Paula hnathawh chu a ni a, i hnathawh tur pawh a ni. Hei hi Bible chuan "chanchin ṭha hril" emaw "thuhretu nih" emaw tiin a sawi.
Thuhretu chu, "Hei hi ka hmuh dan a ni a. Hei hi ka chunga a thlen dan a ni" titu a ni. Mi pakhat chungah thuneihna an nei, anmahni chungah. Midang ni lovin Isuan i tana a thawhsak che chungah thuhretu i ni thei. "Hei hi Kristan ka tan, ka chhungkaw tan, ka hna tan, ka hriselna atan leh ka sum thawh chhuah tana a tih a ni" i ti thei.
Tuin nge Isua kaltlangin Pathianin "amah nena kan inkarah remna a siam" (2 Kor. 5:18) tih chanchin ṭha hi hrilh che? He chanchin ṭha hi hril darh lovin i pawm ringawt dawn em? Tu emawin a hrilh che a ni a. Tunah i mawhphurhna a ni ve ta - i hna chu midangte hnenah hrilh ve a ni.
Bible-in midangte hnena thuhretu chungchang engtin nge a sawi? Thufingte 11:30-ah chuan heti hian kan hmu, _"Mi fel nun rah chu nunna thing a ni a, thlarau nun chhandamtu chu finna a ni"_ (GW) tiin. Midangte hnena Isua chanchin hrilh hi thlarau nuna puitlinna entirtu a ni. Mifing i ni tihna a ni.
Zawhna pawimawh tak zawh che ka duh: Tu emaw tal nangmah avangin vanram a kai dawn em? Kum 30 emaw ni 30 chhung emaw lek kristian i ni thei, Isuan midangte hnena a chanchin i hrilh a duh, i mi tawh apiangte hnenah "Pathian khawngaihna" chanchin leh chatuan nunna a pek tur chanchin hrilh turin a duh che.
Ngaihtuah zui atan.
Tunge Isua chanchin hrilh hmasa ber che? Engtinnge i lo chhan?
Midangte hnena Isua thuhretu i nihna hrilh ngam lo turin engin nge dal ṭhin che?
Kar thar turah hian tu hnenah nge Isua chanchin ṭha i hrilh ang? Ngun takin ngaihtuah la, engtin nge i hrilh ang?
[Lettu: Mapuia Fanai@]
No comments:
Post a Comment