Wednesday, October 28, 2026

TIH THEIH LOH TI TURIN PATHIAN RING RAWH

_Hei Hi Keimahni Kan Ni_

- Rick Warren
- October 28, 2026
_"Pathian tan tih theih loh engmah a awm lo," Luka 1:37 GNT._

Tih theih loh anga langin tihlau che suh se. Eng vangin? Pathian tan tih theih loh a awm ve lo.

Bible chuan, "Pathian tan tih theih loh engmah a awm lo," Luka 1:37 GNT a ti.

Tih theih loh anga langin a tihhlauh che chuan ṭawngṭai tam phah nan te, i rinna tihpun nan te, Pathian i rinchhan tam zawk nan te, amaha innghah tam zawk nan te, i beisei tam zawk nan te leh Pathiana i innghahna tihpun nan te hmang zawk rawh.

I dinhmun chu eng ang pawha theih loh angin lang mah se, 'nangmahnia thil ṭha ti ṭantu khan Isua Krista ni thlengin a tifamkim zel dawn' (Philippi 1:6) a tih hi chiang takin i hre thei ang. Pathianin i nuna bul a ṭan tawh chu, a tih zawhsak ngei ang che.

Ka pisa a dictionary la chhuak la 'theih loh' tih thumal i zawng a nih chuan i hmu lovang - a chhan chu ka paih bo daih a ni. Pathian dictionary a a awm loh chuan ka dictionary-ah pawh a awm tur a ni lo ka ti a ni.

Kum 1800 a missionary Hudson Taylor chuan Pathianin kan nuna thil theih loh a tih theih dan chungchang heti hian a sawi: "Pathian hna ropui tinrengah hian chhâwng thum a awm: a tirah chuan a theih loh a, a dawtah chuan a harsa a, a tawpah chuan tih zawh a ni."

Mahse Setana chuan Pathian nen engkim tih theih a ni tih hi i rin a duh lo. "Nang hi tu ng maw i nih le? I ti thei lo vang. Pathian mi i ni thei tih chu engin nge ngaihtuahtir che? Pathian i rin a, i nunah tih theih rual loh i beisei tlat chuan, chu chu diabola tan mualphona a ni.

Tunah hian thil theih loh anga lang dinhmunah i ding a ni mai thei. Pathian lam en la, a thutiamte chu ring rawh. Thil theih loh chu thil theih a sawnin, tih zawh tawhah a chantir thei a ni. A rah chhuah tur leh a hun dik tak chu ama kutah nghat la, amah chu ring mai rawh. 

Ngaihtuah zui atan. 

Tunah hian Pathianin i nuna a tih tura i duh, theih loh anga lang chu eng nge ni?

Pathian tan tih theih loh a awm lo tih hi i ring tak tak a nih chuan kâr lo awm tur hi engtin nge a danglam ang?

I nunah emaw, mi dang nunah emaw Pathianin tih theih loh a tih i hmuh tawh ṭum engtik nge?

[ *Lettu: Marova Punte* ]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...