Sunday, August 2, 2026

PATHIANIN MIN HRUAI LEH VENHIM DAN KAWNG THUM

_Pathian Ṭhatna Hnuaia Len_

- Rick Warren
- August 02, 2026
_"A beramte chu a hruai chhuah zawh ve leh an hmaah a kal a, amah chu an zui a, a aw an hriat avangin."_ (Johana 10:4, CEV)

Nimin khan Pathian ṭhatnain a hruai dan che leh a venhim dan che kan zir tawh a. Vawiin chuan Pathian ṭhatna rah kawng thum kan zir leh dawn a ni: a mi hruai dan, humhim dan leh Berampu Ṭha Isua kaltlanga min chhandam dan.

*Pathianin a hruai che.* Kal ngaihna i hriat loh emaw kawng i bo emaw laiin Isuan a hmu che ang a, a hruai kir leh ang che. Beram angin kan vak kan vak a, kan bo leh ṭhin. Chuvang chuan Pathianin, "bote zawnga chhandam turin" (Luka 19:10, NLT) Isua a rawn tir ta a ni.

Engvangin maw? A chhan chu tute pawh hi Pathianah hlutna nei vek a ni.

Pathianin i vah bona ata a hruai let chein a hrem lo ang che, mahse a thunun mai thei che. Berampuin a beram vak bo reng ṭhinte ke a phuarsak ṭhin ang hian Pathianin i vah bo tawh loh nan i ke a khawng bai mai thei.

*Pathianin a humhim che.* I hlawhchham emaw i tluk emawin Isuan a chhanchhuak che a damna kawngah a hruai che. Kan vak bo a ni mai lova, beramte angin kan inchhuih a kan tlu fo ṭhin. Chanchin lawmawm tak chu hei hi a ni, i talbuai a chhanchhuah i ngaih apiangin Isua hnen i pan thei hi a ni.

Isuan heti hian a ti, _"Nangni zîngah tu pawhin berâm pakhat nei ula, chu chu Chawlhniah khuarkhurumah tla ang sela, tu nge chelhin kai chhuak lo vang che u? Berâm pakhat ai chuan mihring pakhat chu a va hlu zâwk êm!"_ (Matthaia 12:11-12). Ransa tlu sual palh chhanchhuah kha chhia leh ṭha hriatna hmanga tih tur anih chuan i tluk palh hunah Pathian pawh a che lo bik dawn em ni?

*Pathianin a chhandam che.* Chhandam tur che a i rin chuan Isuan chhandam tur chein a thutiam a tipuitling ang. Mahni inchhamdam kha i tihtur a ni lo. Pathian kuta innghah a, "Ka pumin: a ṭha lai te, ṭha lo lai te, a duhawm lo laite, i ta vek ka ni e." Pathianin a hmangaih em che avangin i kal bo a phal lo a ni.

Isuan heti hian a ti, _"Anni mi petu ka Pa chu, mi zawng zawng aia ropui ber a ni a; tu mân Pa kut ata chu an chhuhsak thei lo vang." (Johana 10:29)

Isua Chhandamtu atana i pawm rual khan mahni ta i ni tawh lo. Khuakhuruma tla ang mai a bo, kal ngaihna hre lo i nih chuan Berampu Ṭha i tan a awm reng a ni tih ring rawh. A hruai che ang a, a humhim chein a chhandam ang che.

Ngaihtuah zui atan.

Pathian laka i vahbo tawh loh nan Pathian thununna i tawk tawh em? Engtinnge a thunun dan che i hrilhfiah ang?

Engtikah nge Pathianin hun khirh tak ata a chhanchhuah che? Chu'ng thil i paltlang aṭang chuan engtinnge i rinna a danglam ni a i hriat?

Pathian hnena i inpumpek apianga a thutiam lo thleng ziah khan eng Pathian zia nge a entir?

*Nitin Pathian ṭhatna hnuaiah i leng thei ang.*
Pathian hmangaihna danglam ngai lo leh a thutiam chhe ngai lova inhumhim i duh chuan Berampu Ṭha hnuaia awmin bul ṭan rawh.

Heti hian ṭawngṭai la: "Lalpa, misual ka ni tih ka hria a, i ngaihdamna ka rawn dil e. Isua Krista hi u Fapa a ni tih ka ring a. Ka sual avangin a thi a nangin i kai tho leh a ni tih ka ring. Ka Chhandamtuan pawma ka Lal atana zui ka duh e. Isu, ka nunah lokal la ka ngaih pawimawh thil te, ngaihhlut thilte leh ka hawizawng rawn thlak la. I duh ang miah min siam rawh. Isua hmingin, Amen."


Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...