_Malsawmna Nih Theihna Kawng_
- Rick Warren
- June 20, 2026
_"Nausên piang hlimte angin thlarau lam hnutê, eng mah pawlh loh chu châk rawh u, chumiah chuan chhandamna tling khawpa in ṭhan len theih nân"_ (1 Petera 2:2)
Pathian tan i tuihal em?
Hetiang anga Pathian tana tuihal/rilṭamna hi i damchhungin i nunah a awm thei. I thlarau nun Pathian chaka a awm reng theih dan kawng nga i lo thlir ila:
*1. Pathianin a hmangaih nasatzia che inhrilh nawn fo rawh.* Pathianin a hmangaih nasatzia che i hriatthiam poh leh amah i hmangaihna a zual ang. Ephesi 3:18-19 ah chuan heti hian kan hmu, _"Pathian hmangaihna zauzia, seizia, sanzia leh thukzia in hriatthiam theih nan thiltihtheihna lo nei ula. Isua hmangaihna hi hriatthiam rual loha ropui nimahse in tawnhriat ka duhsak a che u. Tichuan Pathian aṭanga nunna leh thiltihtheihna famkim chuan thuamin in awm thei ang"_ (NLT).
*2. Kamram mai maia inhawh puar sim rawh.*
Thlarau mi, Pathian chauhin a luah theih thinlunga hmun neitu i ni. Chu hmun ruak chu i hlawh te, nihna te, hlawhtlinna te, tumna te, thil neih te, thiltihtheihna te, zahawmna te, leh thildanga hnawh khah i tum chuan engmah lo mai a ni ang. Thufingte 15:14-ah chuan heti hian kan hmu, _"Hriat thiamna thinlung neitu chuan hriatna a zawng a, mi â ka erawh chu dâwtin a inhrai ṭhîn."_
*3. Pathian hriat hi tum berah nei rawh.*
Hlimna hi Pathian hriatna rah a ni. Matthaia 6:33-ah chuan Isuan heti hian a ti, _"A ram leh a a duhzawng zawng hmasa ula, tichuan in mamawh dang zawng pawh a pek belh chhah ang che u"_ (NCV) tiin.
*4. Nitin Pathian Thu chhiar rawh.*
Bible hi i thlarau tan chaw a ni a. Chawlhkar khatah chaw vawi khat chauh i ei chuan hrisel takin i awm thei lo vang. Chutiang chiah chuan nitin Pathian Thua i in ei puar a ngai. _"Nausên piang hlimte angin thlarau lam hnutê, eng mah pawlh loh chu châk rawh u, chumiah chuan chhandamna tling khawpa in ṭhan len theih nân"_ (1 Petera 2:2)
*5. Ringtu ṭhate zingah tel tam rawh.*
Politics chauh ngaihtuah ṭhinte bulah i khawsak reng chuan politics chauh i tuipui ang. Infiamna chauh tuipui mite bulah i khawsak tam chuan infiamna chauh i ngaihtuah ang. Pathian hriat thupui bera neite bula i khawsak tam chuan chu chu i tuizawng a ni ve nghal ang.
Chuvang chuan ringtu ṭhianzaho, Pathian ngaihsakte bula i tel tam a ngai - a chhan chu midangte nen in titi tam apiang kha i chakzawng a ni dawn tlat. Thufingte 2:20-ah chuan heti hian kan hmu, _"Mi ṭhate kalnaah chuan kal la, mi dikte kawng chu zawh rawh."_ (NLT)
Ngaihtuah zui atan.
Pathian tana tuihal tih hi engnge a awmzia?
Engtinnge nilengin Pathian hmangaih i inhrilh nawn theih ang?
I ṭhian, kawppui leh chhungte nen engnge in sawi tam ber? Eng ang chiahin nge in titiin i thlarau nun tuihal a phuhruk?
[Lettu: Mapuia Fanai]
No comments:
Post a Comment