_Hlim Reng Theihna Dan_
- Rick Warren
- May 10, 2026
Thil té tham té avanga vuina leh innghirnghona chuan i hlimna a laksak fo ang che.
Hei hi thil chin ṭhan sim har tak a nihna chhan chu sual saa piang leh kan nunphungin a hril vang a ni. Adama leh Evi hunlai ata tawh mahni inthiam chawp leh midang mawhchhiat tur zawng reng renga nung kan ni a. Kan thiltih sualah kan inthiam chawp a, kan tihsual avang vekin midang kan mawhchhiat leh bawk a.
Midang kha lo nei ta zawk ila ka hlim zawk awm sia tihte hi kan ngaihtuah dan a ni fo. Nupui/pasal lo nei lo ila ka hlim zawk tur. Fa nei ila ka hlim zawk tur. Ka fate hian in hi chhuahsan se ka hlim zawk tur tihte thlengin.
Chu chu "ta se" tih ngaihtuahna mai a ni - chutiang chu ni zawk se ka hlim ang tih ang chi hi. Mahse, i duhthlan chinah zel i hlimna chu a awm ang. I hlim loh chhanah midang i mawhchhiat thei lovang, hlimna hi kan duhthlanna innghat a ni si a. Inthiam chawpna leh midang mawhchhiat i bansan a ṭul; thil te tham te avanga vuina leh innghirnghonanhi bansan a ngai a ni.
Bible chuan heti hian a ti, _"Pathian fa sawiselbote in nih theihna turin phunnawina leh inhnialnate awm lovin engkim ti rawh u'_ (Philippi 2:14-15).
Heng hi Bible a thu khal berte zing a mi a ni hial mai thei. Mahse, Bible chang hlauhawm ka tih ber erawh chu Matthaia 12:36 hi a ni, _"Tin, ka hrilh a che u, miten thu lawi lo an sawi apiang, chu thu chu Rorel niah chuan an sawi fiah a la tul ang"_ a tih hi a ni.
He thu hian ka tiril a tikhur thei nia! Vawi engzat nge thil te tham te avanga i sawisel a, i phunnawi a, i lo hnial ve ṭang ṭang ṭhin? Hringnuna dan hmasa ber chu hei hi a ni: thil te tham te te avangin in tibuai duh suh. Dan pahnihna chu: engkim mai hi thil te tham te an ni deuh vek a ni!
Bible chuan I Thessalonika 5:18-ah heti hian a ti, _"Engkimah lawmthu hril fo rawh u; chu chu nangmahni lam thuah Krista Isuaah chuan Pathian duhzawng a ni si a."_
Vawi tam tak zirchian tawh hnua an hmuhchhuah tak chu lawmna hi nunphung hrisel ber a ni tih hi.
Engah nge lawmna tur chhan i neih? Hei hi hre reng rawh, i nunah engpawh hmachhawn la i hnenah Pathian a awm zel ang a, i kiangah, i tan a ding zel ang.
Chu chu phunnawi mai lova lawmna tur zawk a ni.
Ngaihtuah zui atan.
Thil "ho te" chunga i phunnawina kha Pathian hnena i sawifiah a ngaih i ring em? Engvangin?
1 Thess. 5:18 aṭanga kan hmuh ang hian i nuna Pathian duhzawng chu engnge ni ang?
Nilenga lawmna nun i lantir theih dan te engte nge?
*Pathian chhungkaw zinga tel turin i inpeih em?*
Heti hian ṭawngṭai rawh le:
"Lalpa, ka thih hunah ka chanchin i hmaah ka sawi dawn a ni tih ka hria a. I lakah thil sual tiin i remruat ang ni lovin ka duh danin ka nung a ni tih ka hrua. Tun aṭang hian ka nun dan thlak ka duh. Sual lak ata i hnen lam rawn pan ka duh.
"Ka sual sual man ka tawrh loh nan ka sual zawng zawng ai thi tura Isua i rawn tirh a avangin ka lawm e. I ngaihdam ka phu lo tih ka inhria. Lalpa, i khawngaihna chauhin min chhandam thei tih ka hria. Famkimna hmunah lut turin ka felnain a tlin ngai dawn lo tih pawh ka hria.
"Isu, min hmangaih em avanga ka sual zawng zawng i phurh avangin ka lawm e. Vanram luttlakah min siam a, min chhandam turin ka ngen a che. Isu ka ring a che. Tunah hian ka pumin, chatuan atana min chhandam turin ka dil a che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]
No comments:
Post a Comment