_Hlim Reng Theihna Dan_
- Rick Warren
- May 09, 2026
Lungngaihna kalsan i tum loh chuan i rilruah a lian telh telh ang. Chuvang chuan thil i ngaihtuah dan thlaka i rilru siamthar i duh chuan lungngaihna indelhtir reng lo va Pathian Thu lama i rilru i sawrbing zawk a ngai.
Engtin nge i rilru i sawrbing ang? Lungngaih dan i thiam phawt chuan rilru sawrbing dan chu i thiam sa tihna a ni. Lungngaihna kan tih chuan thil ṭha lo lam kan rilrua ngaihtuah reng tihna a ni a. Chumi ep chiah chuan, Pathian Thu (Bible) i rilru i luahtir a i ngaihtuah nawn fo khan chu chu rilru sawrbing dan chu a ni.
Biak ina Bible i chhiar leh ngaihthlak chauh kha Bible i keu hun anih chuan Pathian Thu i rilruah a lut tlem hle ang a, i rilru aṭangin awlsam taka lak bo mai theih a ni ang.
Mahse nitin Pathian Thu ngaithlaa i chhiar bawk chuan i vuan nghet telh telh ang. Tin, i ngaihthlak a, i chhiar a, i zir bawk chuan i vuan nghet leh zual ang. I ngaihthlak a, i chhiar a, i zir a, i vawn a Pathian Thua i rilru o sawrbing bawk chuan Pathian Thu nghet takin i vuan ang.
Bible zir dan kailawn indawt zulzuia i tih loh chuan Pathian Thu nghet taka vawn harsa i ti ang.
Sam 119:16-ah chuan heti hian kan hmu, _"I dan chuan mi tilawm a i dan te chu ka theihnghilh ngai lo"_ (GW). Hlim i duh em? Pathian dan zawm chuan hlimna a thlen ṭhin. Chung a dan te chu i ngaihthlakin, i chhiarin, i zirin, i vawnin, i insawrbingin i thinlungah i vawng ṭhin a, i nunpui thei ṭhin.
Sam 119:35-ah chuan hei hi kan hmu bawk, _"I thupêk kawngah mi kaltîr ang che; Chumiah chuan ka lâwm si a."_
Hmun dik lova hlimna i lo zawng reng anih chuan hawisan rawh. Pathianin hlimna chu a thu zawmah a awm a ti tlat.
Ngaihtuah zui atan.
Engin nge Pathian Thua insawrbing thei lo tura siam che?
Bible thu vawnna kawngah tuin nge pui thei che? He chin ṭhan ṭha tak hi puitlin turin engtinnge in inpuihtawn theih ang?
Pathian thu i zawm khan hlimna i hmu a. Chu chuan engtin nge Pathian chungchang a hrilhfiah che?
[Lettu: Mapuia Fanai]
No comments:
Post a Comment