_Khawngaihna Chungchanga Thil Lawmawm_
- Rick Warren
- April 1, 2026
"Isuan a hnenah, 'Kal tawh rawh, i rinna hi i dampui a ni e,' a ti a. Tichuan, a hmu thei ta nghal a, kalkawngah chuan Isua a zui ta a,' (Marka 10:52).
Rinna a i zin kawngah hian i thil tih leh tur chu eng nge ni ang le?
I tih leh tur chu Isua Lal leh Chhandamtu a pawm a ni mai thei a. A nih loh pawhin baptisma chan a, kohhran a tela, pâwl te (small group) zawma, Chanchin Ṭha hril tura zinchhuah emaw, inkhâwm tura ṭhiante sâwm pawh a ni thei. I thil tih leh tur chu eng nge ni ang tih chu ka hre lo va, mahse hei erawh ka hria: Pathianin i rinna chu a la tipung deuh deuh dawn a. Tih tur hmabak a la awm a ni.
I tih leh tur chu tlai khawmuang lo va i tih loh chuan i awmna ngaiah khan i awm reng thei a ni. Rinna a hmalama ke i pen loh chuan i thinlung chu a dai ang a, Pathian laka hla taka awm niin i inhria ang. Pen hnih, pen thum, pen li leh pen nga a a puih hma chein, pen khat i pen hmasak a ngai a ni. Pathianin a puih theihna tur chein eng thil emaw ti turin a lo hrilh tawh che a, "Eng vangin nge ti tura ka hrilh che i la tih loh?" tiin a zawt che ang a. Eng thil emaw tih i tum a ni thei. Tum tawh lo la, ti nghal rawh!
Bartimaian Isua a tawh hma hian kawng sira ṭhu, mitdel kutdawh mai a ni a. Isua hnen aṭanga khaw hmuh theihna a dawn hnu chuan Bartimaia chuan Isua chu kawngah a zui ta a ni (Marka 10:52).
A khawi zawk hian nge i nun chu sawi fiah: kawng sira ṭhu emaw, kawnga Isua zui? Nun dan pahnih zinga a eng zawk hi nge hlimawm zawka i ngaih? Khawi zawk hi nge hlimawma, awmzia neia, ti lungawi che? Eng ber hi nge i nun entir nan hman i duh?
Kawnga Isua zui turin kawng khat chiah a awm: Pên khatin pên leh rawh.
Rinna ringawt ni lovin, a aia thûk zawka rinna nung neih hi a ni. Rinna chu ngaihtuah emaw, sawi emaw, Isua pawmna satliah aia thûk zawk a ni. Rinna chu thiltih a ni. Chêt velna a ni a , hnathawh dan a ni. Rinna chu thil eng emaw i tih kha a ni. Bible chuan Jakoba 2:14-ah, "Miin, rinna ka nei, ti mah sela, thiltih a neih si loh chuan eng nge sâwt ang," a ti.
Rinna nei turin khawiah nge bul i ṭan ṭhat leh ang? Bulpui pakhat chiah a awm, Isua Krista.
The Message Bible chuan heti hian a sawi: "Nangni zawng Pathian zarah, Krista Isuaah chuan in awm ta a, ani chu Pathian hnen ata kan tan finna te, thiam chantirna te, tihthianghlimna te leh tlanna te a lo ni ta a," (I Kor 1:30).
Bartimaia kha Isua Krista khan khami ni khan a awmna lamah a lo kal dawn tih rin ngaihna a hre miah lo. A tan chuan ni dang ang tho a ni. Mahse Pathian chuan beisei loh hun ṭha, bul ṭanna thar a pe a ni.
Chutiang chiah chuan Pathianin hun remchang a pe che. Chân chauh suh! Remchannain a kal pelh hma chein Pathian rinna nen hmalam pan rawh le.
Ngaihtuah zui atan.
Rinna a i ke pen leh turin eng nge i la nghah?
Eng vangin nge Pathianin hmalam pana thlaraua ṭhanglian tura a duh che?
Rinna a ke pen i duh chu a tein a pawimawh loh hmel em? Eng vangin nge ke pen te taktê chu a pawimawh?
[ *Lettu: Marova Punte* ]
No comments:
Post a Comment