Wednesday, August 6, 2025

KHAWVEL THLIR DAN THAR

_I Khawthlir Dan Thlak_

- Rick Warren
- August 6, 2025
"Chumi avang chuan tu pawh Krista a a awm chuan thilsiam thar a lo ni a, thil hluite chu a ral ta a, ngai teh u, a lo thar ta," 2 Kor 5:17.

Suangtuahna hian sawhkhawk a nei ṭhin. Dik tak chuan, suangtuahna tinreng hian sawhkhawk a nei ṭhin, a ṭha lam emaw a chhe lam emaw pawhin. I suangtuahna zawng zawng-i rilrua i ngaihtuahna belhkhawm khan i khawthlir dan siamin, i rindan a rêl chho a ni.

I khawthlir chuan nunna chungchangah te, thihna, hun liam tawh, tun hun leh hun lo la thleng tur chungchanga i ngaihdan te a huam vek a. Chu chuan hun, pawisa, inlaichinna, nâ, tuarna leh thil ṭha leh ṭhalo chungchanga i ngaihdan te a huam vek a ni. Pathian, nangmah leh mi dang i hmuh dan te kha a tela. Nuna thil engkim mai hi  khawthlir chuan a huap vek a ni.

I khawthlir chuan i duhthlanna a rêl fel a ni. Heti hian i han sawifiah dawn teh ang: Pathian chuan i thluak kha a thlung khawm veka, thutlukna i siam hmain hriat tur awm zawng zawng chu pal tlang vekin, "Hemi chungchang hi eng nge ka rin dan?" tiin i zawta. Tichuan hrechiang lem lovin-dik ni a i rin danin duhthlanna i siam ta ṭhin a ni.

Entirnan, kawtthler kal tlang i tuma, lehlam lehlam hawi tawnin, car-in su lova, kaltlang theih i inbeisei a ni. Hetiang hian nitin vawi sang tam tak thutlukna i siam ṭhin. Duhthlanna i siam apiangin, i khawthlir dan i paltlang ṭhin.

Kan khawthlir dan tihmasawn turin kan nun kan hmanga, mahse Krista nen inlaichinna i neih chuan, khawthlir dan thar a pe dawn che a ni. Bible chuan, "Chumi avang chuan tu pawh Krista a a awm chuan thilsiam thar a lo ni a, thil hluite chu a ral ta a, ngai teh u, a lo thar ta," 2 Kor 5:17 a ti.

Thlaraua chu mi kawng chu i zawh  a, sualna aṭanga Pathian khawngaihna rin i zir chuan-nihna thar i nei ang. Pathian chuan thil engpawh i lo tihsual tawh chu a vaiin ngaihdam a ni ang a-thaibo leh theihnghilh a ni ang a ti! Bible chuan chu chu piantharna a ti. Nun thar i nei ta a. Nihna thar i nei ta bawk a. Chu nihna thar chuan Pathianin khawvel thlir dan thar a pe che a. Khawthlir dan thar a pe che a ni.

Mahse a chang chuan i rilruin thil hlui a herchhuahtir leh ṭhin. Pathianin a zirtir dan ang che ni lovin, khawvelin a zirtir dan ang zawkin nangmah leh mi dang i hmu a. Chutiang a lo thlen chuan i khawthlir chu Pathian thudik nen a kal dun a ngai a ni. Kawng dangin han sawi ta ila, i rin dan dik lo-i khawthlir dan dik lo chuan a ti ngui che a, chu chu i thlak danglam a ngai ani.

Ni dangah chuan eng nge a dik lo tih kan la en ho ang. Pathian thudik nena i kal theihna tur leh nitina Pathian thiltum i nunchhuahpui theihna turin ka la pui dawn che nia.

Ngaituah zui atan.

Kan khawthlir dan siamtu thil tam tak a awm. Chung zinga i rin dan lairil ṭhenkhat chu eng ni?

Tun hnaia duhthlanna i siamin i rin dan chhungril a tihlan chu eng nge?

Pathian thudik enlenna a hmangin khawvel i thlir ṭhin em? Nge ni a i thlir dan hlui zawkin i la thlir?

[ *Lettu: Marova Punte* ]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...