Saturday, August 30, 2025

ISUA ANGIN NUNG RAWH: TLAWMNA LEH FELNA NUN NEIIN

_I Khawthlir Dan Thlak_

- Rick Warren 
- August 30, 2025
_"Thim lai reng awm lova i nun pum a ênga a awm chuan i nun kha midangte tan a êng chhuak ang."_ (Luka 11:36, NLT)

Isua nun ang nun nei tur chuan a nuna thil hlu tak kan hmuh - felna leh tlawmna nun i neih ve a ṭul ang.

Felna/thianghlimna chu engnge ni? Mi tam tak chuan rinawmna hi felna emaw an ti ṭhin. Thudik sawi hi felna kawng khat chu a ni ngei mai, mahse felna chuan chu aia nasa daih chu a huam. Felna tih hi a ṭawng ṭobulah chuan "pumpui," emaw "zavaiin," emaw tihna a ni.

Chhiarkawp zirnaah chuan *integer* hi number pum - amah mai pawha famkim a ni. Chutiang chiah chuan felna nun chuan nun huapzo a kawk; nun inṭhen hrang nuai ang a ni lo.

Felna nun neitute chu biak inah, hnathawhna hmunah, inah, infiamnaa, khawiah pawh nise an nundan a danglam ve zut lo. A awmzia chu i nun kha a nghet tihna a ni. I hmuh ang kha i dawn tur chu a ni!

Luka 11:36-ah chuan heti hian kan hmu, _"Thim lai reng awm lova i nun pum a ênga a awm chuan i nun kha midangte tan a êng chhuak ang"_ (NLT). Felna nun i neih chuan khawvel thim takah hian arsi angin i eng tihna a ni.

Mahse ringtute chu eng chauh ni tura koh kan ni lo- lei chi ang ni tura koh kan ni bawk. Chi chuan ei tur a tituiin a vawng# ṭha a, ei chhe theitu lak ata a vawnghim ṭhin. The Living Bible chuan heti hian a letling: _"Khawvel tituitu in ni, chen nuamah siam rawh u. I tuina i hloh chuan khawvel hi engtinnge a awm ang?"_ (Mat. 5:13).

Mi ṭhenkhat chuan, "Engvangin nge Pathianin ringtute hi vawi leh khatah vana a lak chhoh mai loh?" tiin an zawt ṭhin. Ka hrilh ang che u. He khawvela a dah chhan chu khawvel a chhiat loh nan te, khawvela chen tinuamtu atan leh khawvel hi hmun nuam zawk leh lungawina hmuna siam turin a aiawhin a dah a ni.

Isua kha felna leh thianghlimna nena nung a ni- khawvel eng leh chi nikawpin. Tlawmna nun nei a ni bawk.

Tlawmna chu uan lohna a ni ngawt lo. Tlawmna hi ngawi renga i chakna te lantir lohna a ni ngawt hek lo. Tlawmna chu Pathiana innghahna a ni.

Matthaia 5:3-ah chuan Isuan heti hian a ti, _"Pathian chuan . . . Amah mamawh a ni tih inhria te chu mal a samsak ṭhin"_ (NLT)

Pathiana i innghah loh chuan i thunun theih loh thil thunun i tum thin. Mahse Pathiana i innghah chuan i nun a thunun turin i inpe tihna a ni. Mahni ni lova Pathiana i innghahin muanna i nei ṭhin.

Felna nun neia Pathiana i innghah tlat chuan miin an thlir ang che, a chhan chu chutiang nun an neih loh avangin. Miin i nun an thlir tawh chuan Isua hnenah i hruai thei ang.

Ngaihtuah zui atan.

I nunah kal hrang deuh te a awm em? Hmun ṭhenkhatah emaw mi ṭhenkhatte chungah emaw i awm dan i tidanglam ṭhin em?

Nun huapzo nei turin engtinnge ke i pen ang?

Pathianah nge mahni chungah rinna i nghah? Engtinnge thunun theih loh thunun i tum?
[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...