*Tumruhna Danglam*
By Rick Warren
— August 1, 2025
“Pathian duh zâwng in tih hnuin thil tiam chu in hmuh theih nân chhelna in ngai asin.
Rei lo tê achinah
Lo kal tûra chu
a lo kal dâwn si a,
Rei a rial tawh lo vang.’” [Hebrai 10:36-37]
Pathianin i ṭawngṭaina a chhan mai loh che avang chuan i beidawng thei, mahse a khawtlai hlek avang chuan a chhang dawn lo che tihna a ni lo. I ṭawngṭai chhanna emaw i beisei thilmak emaw chu i la hmu mai lo a nih pawhin Pathian chuan a chhang dawn lo che tihna a ni lo – a theihnghilh ta che tihna pawh a ni lo va, a ngaihsak ta hauh lo che tihna pawh a ni lo. “Tunah chuan a la ni lo deuh” a tihna mai a ni thei!
Thlarauva mi puitling nihna chu “Aih” tih leh “aw” tih danglamna hriat a, Pathian chuan a remti dawn nge a tikhawmuang hlek dawn tih thlirhran chu a ni. Bible chuan, Lo kal tûra chu
a lo kal dâwn si a, Rei a rial tawh lo vang,’” tiin a sawi. [Hebrai 10:36-37]
Pathian a chet muan hlekna chu i dawhtheihna fiahna a ni thei. Tute emaw chu eng emawti lai chuan an dawhthei mai ang. Mi tam tak chu vawi hnih khat tal an dawhthei ang – vawi thum thlengin a ni thei. Pathian erawh chuan i dawhtheihna chu a fiah nawn fo thung ang.
Chutianga a tih chhan chu engtiang taka dawhthei nge i nih hriat a duh vang a ni ang em? Aih, a tih chhan zawk chu mi dawh thei tak i lo nihna tur a ni. Nangmah a fiahna che chuan nangmaha Pathian hnathawh chu tihlan a, amah tana i inpekna chu engtiang taka thuk nge tih tarlan a tum a ni.
Pathianin a fiah chhan che chu atan engtiang taka rinawm nge a nih hriattir che a duh a, a chhanna i mamawh chu tihkhawtlai a ni hlek thei.
Tun hunah hian hun harsa i paltlang mek a ni thei. I beidawng a ni thei, a chhan chu i buaina hmachhawn mek chu i tan a ko lutuk a, awmzia a awm lova, a dik [fair] hlawl lo a ni thei.
Tuar hleih theih loh a ni hial thei, i chhungrilah chuan, “Lalpa, ka thei tawh thlawt lo. Ka thei tawh thlawt lo” i lo ti hial mai thei.
Mahse i thei ang.
Chhel zawka i tuar theih chhan chu Pathianin a awmpui vang chu a ni. Hmalama kal zel tur chuan a thuam thei che.
Hei hi hre reng raw, mi hlawhchham i ni ngai lo vang i tlawmsan hma chuan. Hnual lo turin bei fan fan la, Pathianin Intihsiakna kawng a buatsaihsak che chu hlen chhuah ngei tum tlat ang che.
Ngaihtuah zui atan.
Pathianin i thil dil eng emaw “aih” tia chhan che a nei tawhin i hria em? A chhanna dik tak zawk chu “nakin deuhah” tih a lo ni lek em? Engtin nge chu dinhmun i thlir dan chu tihdanglamin a awm?
Pathianin chuan a chhanna nghaka i awm lai chuan engnge ti tura a duh che nia i hriat?
Vawiin hian Pathian chu a muan hlek avangin thil beidawn thlak deuh eng nge awm? Inngaihtuah harhin Pathian chu a khawmuan hlek chang chuan dawhtheihna a zirtir dawn che tih hre nawn ang che.
[ *Lettu:* Peka]
No comments:
Post a Comment