Thursday, July 3, 2025

THILMAK I BEISEI LAI CHUAN PATHIAN I MAMAWH A PE ANG CHE

_Thilmak I Beisei Hunin_

By Rick Warren
— July 3, 2025
“Ka Pathian chuan Krista Isuaa a hausakna ropui tak aṭangin in mamawh tinrêng a pe ang che u.” [Philippi 4:19]

Thilmak lo thleng tur nghah chu a harsat chang a awm. A chang chuan lamlian chu a vawt a, a thim a, a khawharthlak bawk; kawng khuara i tan hial chang pawh a awm ang. I kalna kawng chu hre lovin emaw engtia rei nge i kal ngai ang tih pawh i hre lo thei. 

Thilmak i chan hma chuan eng pawh thleng se, heng thilte hi i hriat a ngai: 

Pathian chu i mamawh awm chhun a ni. 
Pawisa tam tak i mamawh lova, ei tur tam tak emaw hna emaw pawh i mamawh ber lo. Pathian chuan a duh a nih phawt chuan choak mai pawh hmangin a chawm thei khawp mai. Chu chiah chu zawlnei Elijah ei tur a pek dan chu a ni a, ani kha a chau tawngkhawngin thlalerah khan a khawro hle tawh a; chu thu chu I Lalte 17 ah khan i chhiar thei ang. Pathian chuan i mamawh lakna hnar pakhat a tihtawp chuan a dang chu awlsam zawk a hawng leh nghal mai thei. I mamawh zawng zawng atan chuan amah chu i ring tlat thei ang. 

Pathianin a hruainaah chuan mamawhte a pe
Elija chawm tura choak a tirh khan Pathian chuan Zarephath kawng hlauhawm zawh turin thu a pe a nih kha. Zarephat-ah chuan khua a kheng a, ei tur engmah a awm lo. Chuti chung chuan hmeithai rethei chuan thilphal takin ei tur a hlui ṭhin. Pathianin khawi lai emawa kal tura a duh che a nih chuan kal nghal ang che. Pathianin eng emaw ti tura a duh che a nih chuan ti nghal ang che. Pathianin khawi emaw kal tura a tih che chuan chutianga hmuna kal tur chuan i mamawh a pe ang che. 

Nitin amah chu i rin a ngai. 
Eng vangin nge? A chhan chu engtik niah emaw chuan i buaina chu a mal malin a la kiang ang. Entirnan, sum leh paia harsatna i nei a nih chuan, a tahtawl te tea i chinfel a ngai ang. Chuvangin Pathian chu a tahtawl tetea i rin zel a ngai a ni. Bible chuan, “Ka Pathian chuan Krista Isuaa a hausakna ropui tak aṭangin in mamawh tinrêng a pe ang che u,” tiin a sawi [Philippi 4:19]

Pathian thutiam chu a hlawhtling ṭhin a thu i awih chuan
Pathian chuan a ruahmanna chu rahbi khat te tein a chhawpchhuak ṭhin. Thuawihna chungchangah chuan thuawih hmasa mai turin a duh che, amahin a lehpek chu a chhunzawm ang. A hnathawh chu i hre thiam ngahl vek kher lo vang, mahse amah chuan rinna leh amaha intulutin i innghat thei ang, Pathian kawng chu kawng ṭha ber a ni si a. 

Ngaihtuah zui atan. 

Isua ni lo rin tur engnge i hmaah chuan awm ṭhin? 

Pathian chuan i mamawh engtin nge a pek ṭhin che? 

Engtiangin nge i chatuan hun i hman dawn? 

Bible chuan Pathian, a Fapa Isua Krista kaltlang chauh chuan vanram i kai thei a ni tih a sawi: Nangmah chuan vanram i kai thei lo: “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni,” tiin. [Ephesi 2: 8-9]

“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.

“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...